ꪒꪱꪥ ꪚꪫꪸ ꪀꪺꪀ ꪶꪭꪥ ꪹꪮꪱ ꪨꪱꪥ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪀꪳ ꪊꪲ ꪭꪮꪒ ꪁꪲ ꪭꪮꪚ ꪖꪳ 3 ꪀꪺꪀ ꪶꪭꪥ ꪄꪫꪱ 14.
ꪁꪲ ꪬꪮꪚ ꪹꪕ ꪙꪲ ꪼꪄ ꪮꪮꪀ ꪼꪈ ꪨꪉꪰ ꪋ ꪜꪱꪉ ꪭꪮꪚ ꪊꪉꪴ ꪹꪮꪉ 5 ꪶꪒꪚ ꪣꪺꪙ ꪀꪚꪾ ꪫꪀꪸ ꪕꪒꪰ ꪜꪙꪴ 3 ꪉꪲ ꪀꪫꪒꪸ ꪁꪙ ꪬꪱ ꪶꪒꪥ ꪀꪚꪾ ꪩꪺꪉ ꪢꪱ ꪼꪄ ꪀꪉꪲ ꪔ ꪎꪱ ꪶꪭꪥ ꪄꪮꪉ ꪚꪱꪙ ꪹꪣꪉ ꪵꪀꪉ ꪩꪣꪾ ꪵꪩ ꪡꪱꪒ ꪻꪢ ꪀꪱꪙ ꪶꪚ. ꪜꪷ ꪘꪱ ꪀꪳ ꪊꪲ ꪒꪱꪥ ꪚꪫꪸ ꪉꪫꪙꪸ ꪀꪱꪫꪉ ꪔꪺꪙ ꪒꪫꪱꪙ ꪒꪱꪥ ꪚꪫꪸ ꪵꪗꪉ ꪶꪠ ꪭꪱ ꪶꪙꪥ ꪻꪬ ꪭꪴ ꪀꪳ ꪊꪲ ꪭꪱ ꪶꪙꪥ ꪠꪱꪀ ꪭꪮꪒ ꪀꪺꪀ ꪶꪭꪥ ꪄꪫꪱ 14 ꪨꪱꪥ ꪘꪱ ꪫꪀꪸ ꪻꪐ ꪵꪀꪉ ꪀꪱ ꪝꪉꪳ ꪘꪱ ꪫꪀꪸ ꪘꪺꪉ ꪝꪱꪙ ꪋꪀꪳ ꪹꪋꪱ ꪭꪮꪒ ꫛ ꪤꪙ. ꪯꪽ ꪨꪷ ꪙꪱꪙ ꪵꪩꪙ ꪊꪀꪳ ꪵꪩꪙ ꪁꪫꪙꪸ ꪜꪙꪸ ꪻꪢ ꪊꪸ ꪩꪱꪥ ꪵꪬꪉ ꪊꪉꪲ ꪤꪮꪙ ꪚꪙꪸ ꪊ ꪘꪱ ꪫꪀꪸ ꪮꪱꪙ ꪵꪔꪫ…ꪝꪮꪣ ꪀꪚꪾ ꪀꪱ ꪹꪣꪉ ꪀꪳ ꪊꪲ ꪭꪱ ꪶꪙꪥ ꪁꪷ ꪢꪮꪉ ꪁꪮꪉ ꪀꪺꪀ ꪶꪭꪥ ꪶꪜꪉ ꪻꪊ ꪒꪴ ꪒꪲ ꪭꪮꪒ ꪝꪉꪳ ꪘꪱ ꪫꪀꪸ ꪋꪳ ꪡꪮꪉ ꪙꪱꪙ ꪢꪱꪣ ꪬꪚꪴ ꪵꪀꪉ ꪖꪴ ꪹꪮꪱ ꪹꪩꪱ ꪹꪋꪉ ꪄꪮꪉ ꪢꪱꪣ ꪬꪚꪴ.
ꪨꪷ ꪁꪲ ꪭꪮꪚ ꪀꪱꪉ ꪜꪲ ꪹꪝ ꪹꪏꪉ ꪙꪽ ꪘꪉꪰ ꪹꪕ ꪙꪲ ꪀꪺꪀ ꪶꪭꪥ ꪋꪲ ꪤꪮꪣ ꪨꪱꪥ ꪥꪱꪙ ꪋ ꪧꪬ ꪘꪱ ꪫꪀꪸ ꪔꪉꪰ ꪵꪔꪉ ꪠꪱꪚ ꪩꪺꪒ. ꪀꪺꪀ ꪶꪭꪥ ꪵꪥꪉ ꪒꪴ ꪋꪲ ꪩꪣꪾ ꪵꪩ ꪕꪉꪲ ꪜꪱꪫ 13 ꪥꪳ ꪮꪱꪙ ꪩꪺꪒ , 5 ꪤꪳ ꪖꪱꪫ ꪈꪲ ꪀꪫꪒꪸ ꪵꪀꪉ ꪻꪬ ꪁꪫꪱꪣ ꪀꪮꪚ ꪶꪭꪣ ꪣꪱ ꪕꪱꪉ 5 ꪥꪳ ꪮꪱꪙ ꪩꪺꪒ ꪮꪙꪳ. ꪒꪱꪥ ꪚꪫꪸ ꪡꪱꪣ ꪔꪒ ꪖꪉꪰ ꪒꪫꪱꪙ ꪔꪉꪲ ꪫꪉꪲ ꪩꪮꪉ ꪫꪱ ꪭꪀꪸ: ꪙꪲꪙ ꪢꪱꪣ ꪬꪚꪴ ꪑꪉꪰ ꪣꪲ ꪶꪀꪀ ꪀꪷ ꪵꪔ ꪫꪀꪸ ꪕꪒꪰ ꪜꪙꪴ ꪹꪚꪱ ꪭ ꪵꪊꪉ ꪄꪮꪉ ꪩꪺꪒ ꪋꪳ ꪡꪮꪉ ꪢꪱꪣ ꪬꪚꪴ ꪼꪅ ꪙꪲ. ꪹꪝ ꪹꪏꪉ ꪙꪽ ꪁꪙ ꪼꪒ ꪫꪽ ꪡꪱꪫ ꪎꪮꪣ ꪵꪜꪉ ꪩꪺꪒ ꪋꪳ ꪡꪮꪉ ꪢꪱꪣ ꪬꪚꪴ ꪼꪅ ꪙꪲ ꪻꪬ ꪋꪮꪚ ꪶꪎꪣ.
ꪘꪉꪰ ꪁꪲ ꪭꪮꪚ ꪙꪲ ꪀꪺꪀ ꪶꪭꪥ ꪁꪷ ꪵꪥꪉ ꪒꪴ ꪤꪮꪣ ꪤꪱꪫ 6 ꪣꪳ ꪖꪮꪉ ꪼꪫ ꪩꪣꪾ ꪵꪩ ꪊꪱ ꪫꪱꪙ ꪵꪁꪉ ꪀꪫꪒꪸ ꪓꪉꪲ ꪝꪉꪳ ꪘꪱ ꪫꪀꪸ ꪹꪏꪉ ꪚꪱꪫ ꪀꪱꪫ ꪄꪮꪉ ꪊꪉꪲ ꪠꪴ ꪣꪱ ꪕꪱꪉ ꪐꪽ ꪵꪥꪉ ꪔꪣꪳ ꪵꪕꪙ ꪩꪱꪉ ꪒꪲ ꪊꪚ ꪙꪣꪾ ꪀ ꪵꪫꪭꪀ ꪢꪱ ꪼꪄ ꪀꪉꪲ ꪔ ꪎꪱ ꪶꪭꪥ ꪵꪀꪉ ꪈꪙ ꪵꪎꪀ ꪹꪭꪙ ꪹꪘꪀ ꪝꪉꪳ ꪹꪚꪙ ꪬꪺ ꪜꪲ 2017; ꪠ ꪊꪺꪙ ꪀꪫꪒꪸ ꪔꪫꪱꪙ ꪈꪙ ꪵꪎꪀ ꪹꪭꪙ ꪹꪘꪀ ꪜꪲ 2015; ꪫꪀꪸ ꪡꪥꪴ ꪜꪉꪰ ꪋꪮꪥ ꪹꪤ ꪑꪱꪥ ꪼꪜ ꪤꪴ ꪚꪮꪙ ꪻꪢ ꪥꪳ ꪮꪱꪙ ꪔꪉꪰ ꪵꪔꪉ ꪠꪉꪸ ꪵꪎ ꪚꪙꪲ ꪀꪺꪀ ꪔ ꪩꪮꪉ ꪵꪖꪉ. ꪩꪙꪳ ꪹꪏ ꪶꪜꪉ ꪻꪊ ꪭꪮꪒ ꪚꪱꪫ ꪀꪱꪫ ꪀꪺꪀ ꪶꪭꪥ ꪩꪣꪾ ꪵꪩ ꪎꪉꪴ ꪎꪒꪴ ꪫꪀꪸ ꪊꪚ ꪙꪣꪾ ꪊꪉꪲ ꪵꪎꪀ ꪠꪱꪚ ꪩꪺꪒ ꪣꪱ ꪕꪱꪉ ꪕꪉꪸ ꪮꪱꪙ ꪁꪣꪾ ꪀꪙꪲ ꪥꪱꪙ ꪵꪔ ꪜꪲ 2011-2016.
ꪀꪳ ꪊꪲ ꪁꪷ ꪶꪜꪉ ꪻꪊ ꪭꪮꪒ ꪨꪱꪥ ꪣꪱ ꪕꪱꪉ ꪘꪱ ꪫꪀꪸ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ ꪵꪀꪉ ꪫꪀꪸ ꪥꪒ ꪹꪥꪙ ꪶꪘꪉ ꪉꪚꪸ. ꪹꪝ ꪮꪺꪥ ꪢꪙꪲ ꪵꪔ ꪶꪠꪉ ꪶꪀꪉ ꪉꪚꪸ ꪥꪒ ꪻꪬ ꪨꪱꪥ ꪔꪱ ꪒꪙꪲ ꪫꪀꪸ ꪶꪘꪉ ꪉꪚꪸ ꪥꪒ ꪹꪥꪙ ꪹꪚꪱ ꪥꪒ ꪹꪥꪙ ꪼꪒ. ꪙꪮꪀ ꪙꪽ ꪮꪮꪀ ꪁꪫꪱꪣ ꪶꪕ ꪼꪒ ꪣꪺ ꪹꪚꪱ ꪼꪒ ꪁꪱ ꪼꪒ ꪁꪱ ꪹꪚꪱ ꪼꪒ ꪣꪺ ꪑꪉꪰ ꪬꪙ ꪣꪲ ꪮꪮꪀ ꪻꪢ ꪐꪒ ꪨꪷ ꪹꪐ ꪢꪴ ꪀꪺꪉ ꪹꪣꪉ ꪶꪩꪉ ꪁꪱ ꪥꪒ ꪏꪒꪸ ꪭꪱꪥ ꪘꪀꪰ ꪢꪱ ꪻꪬ ꫛ ꪵꪔꪉ ꪩꪉꪸ.
ꪝꪉꪳ ꪢꪱ ꪫꪀꪸ ꪘꪺꪉ ꪝꪱꪙ ꪭꪮꪒ ꪜꪺꪉ ꪀꪙꪲ ꪩꪺꪉ ꪤꪴ ꪄꪮꪉ ꪀꪳ ꪊꪲ ꪼꪒ ꪒꪱꪥ ꪚꪫꪸ ꪀꪺꪀ ꪶꪭꪥ ꪕꪉꪲ ꪄꪙꪳ ꪀꪺꪀ ꪶꪭꪥ ꪊꪱ ꪫꪱꪙ ꪢꪮꪉ ꪁꪮꪉ ꪝꪉꪳ ꪒꪱꪥ ꪚꪫꪸ ꪋꪲ 6ꪜꪉ ꪼꪄ ꪬꪺ ꪻꪊ ꪵꪊꪀ ꪑꪣꪸ ꪔꪷ ꪘꪱ ꪤꪙ ꪹꪣꪉ ꪶꪭꪣ ꪡꪙ ꪥꪒ ꪻꪬ ꪀ ꪀꪫꪱꪙ ꪤꪙ ꪀꪳ ꪅꪀꪰ ꪅꪷ ꪨꪷ ꪚꪮꪙ ꫛ ꪤꪙ ꪕꪙꪲ ꪹꪋ ꪣꪉꪰ ꪼꪁ.
ꪕꪮꪉ ꪵꪯꪉ ꪥꪀꪲ
Viết bình luận