ꪜꪙꪸ ꪖꪱꪥ, ꪎꪚꪸ ꪩꪒꪰ ꪶꪔ ꪊꪀꪳ ꪋꪺꪉ ꪼꪢ - ꪫꪀꪸ ꫄ꪁꪙ ꫃ꪥꪒ ꪼꪈ

          ꪶꪒꪥ ꪀꪚꪾ ꪶꪔ ꪊꪀꪳ ꪄꪮꪉ ꪒꪱꪉ ꪉꪲ ꪀꪫꪒꪸ ꪹꪫꪱ ꪵꪊꪉ; ꪶꪒꪚ ꪣꪺꪙ ꪝꪉꪳ ꪫꪀꪸ ꫃ꪥꪒ ꪄꪮꪉ ꪝꪉꪳ ꪚꪱꪙ ꪮꪺꪙ ꪝꪱ ꪼꪔ ꪚꪀꪰ, ꪼꪔ ꪉꪫꪙꪸ,  ꪼꪔ ꪙꪱꪣ ꪶꪛ , ꪶꪔ ꪊꪀꪳ ꪹꪩꪱ ꪒꪱꪉ ꪶꪛ ꪙꪮꪀ ꪹꪣꪉ ꪵꪀꪉ ꪒꪱꪉ ꪶꪛ ꪶꪛ ꪉꪫꪱꪥ ꪕꪮꪥ ꪩꪺꪉ ꫃ꪕꪉ ꪐꪽ ꪝꪱꪫ ꪩꪺꪉ ꪜꪙꪴ ꪊꪉꪴ, ꫃ꪔꪉꪐꪽ ꪝꪱꪫ ꪼꪫ ꪔꪣꪴ ꪝꪺ ꪫꪀꪸ ꪔꪉꪰ ꪵꪔꪉ ꪒꪱꪉ ꪘꪉꪰ ꪙꪮꪀ ꪹꪣꪉ. ꪫꪽ ꪡꪮꪉ ꪚꪱꪙ ꪮꪺꪙ ꪝꪱ ꪎꪱꪉ ꪵꪜꪉ ꪕꪳ ꪠꪱꪚ ꪋꪉꪴ ꪹꪮꪉ ꪋꪲ ꪋꪙꪸ ꪼꪜ ꪚꪱꪙ ꪶꪙꪥ ꪊꪉꪲ ꪉꪲ ꪹꪮꪉ. ꫄ꪣꪒ ꫄ꪋꪙ ꪶꪔ ꪀꪺꪀ ꪵꪀꪉ ꪝꪉꪳ ꪒꪪꪱꪙ ꫃ꪖ ꪊꪉꪲ ꪋꪲ ꪎꪱ ꪶꪭꪥ ꪁꪷ ꪋꪲ ꪼꪒ ꪎꪚꪸ ꪩꪒꪰ ꪋꪍꪉ ꪼꪢ ꪵꪣꪙ ꪋꪮꪚ. ꪓꪱꪥ ꪚꪫꪥꪸ ꪹꪥꪉ ꪋꪉꪴ ꪀꪺꪀ ꪒꪫꪱꪙ ꪶꪒꪉ ꪙꪱꪥ ꪪꪱ ꪭꪀꪸ; ꪯꪽ ꪨꪷ ꪝꪉꪳ ꪫꪀꪸ ꫃ꪥꪒ ꫄ꪁꪙ ꫃ꪥꪒ ꪼꪈ ꪼꪫ ꪎꪚꪸ ꪩꪒꪰ ꪋꪮꪚ ꪅꪷ ꪋꪺꪉ ꪼꪢ ꪊꪉꪲ ꪋꪲ, ꪩꪙꪳ ꪹꪏ ꪨꪷ ꪀꪺꪉ ꫄ꪋ ꫄ꪈꪙ ꪵꪎꪀ ꪑꪉꪰ ꪙꪮꪥ ꪼꪒ ꪩꪉꪸ ꪀꪱ ꪋꪺꪉ ꪼꪢ ꪻꪐ ꪀꪱꪥ ꪖꪱꪙ. ꪬꪱꪀ ꪫꪱ ꪕꪮꪥ ꪩꪉꪴ ꪹꪥꪉ ꪋꪉꪴ ꪀꪺꪀ, ꪕꪮꪚ ꪬꪮꪣ ꪻꪬ ꪙꪮꪥꪋꪮꪚ ꪬꪱꪀ ꪫꪱ ꪼꪒ ꪬꪺꪙ ꫃ꪔꪙ ꪙꪮꪥ ꪊꪣꪴ ꪢꪴ, ꪤꪮꪙ ꪚꪙꪲ ꫃ꪊ.

          ꪋꪺꪉ ꪼꪢ ꪼꪅ ꪙꪲ ꪑꪉꪰ ꪻꪐ ꪨꪱꪥ ꪶꪋꪙ ꪨꪱꪥ ꪖꪱꪙ, ꪹꪚꪱ ꪋꪮꪚ ꫄ꪋꪉ ꪀꪚꪾ ꪥꪱꪙ ꪏꪲ ꪼꪅ ꪙꪲ. ꪹꪝ ꪹꪏꪉ ꪙꪽ, ꫄ꪁꪙ ꪣꪲ ꪩꪺꪉ ꪜꪙꪲ ꪖꪱꪥ, ꪣꪲ ꪤꪱꪙ ꪼꪫ ꪤꪮꪙ ꪎꪸ ꫛ ꫃ꪥꪒ ꪫꪀꪸ. ꪶꪒꪥ ꪀꪚꪾ ꪓꪸ ꪹꪠꪉ , ꪶꪛ ꪵꪈꪉ ꪼꪒ ꪀꪣꪾ ꪀꪫꪒꪸ ꫄ꪊꪚ ꪙꪣꪾ. ꪕꪮꪥ ꪓꪱꪥ ꪚꪫꪸ ꪠꪱꪙ ꪉꪮꪀ ꪅꪷ, ꪒꪫꪱꪙ ꪹꪖ ꪖꪙꪸ ꫃ꪭꪫꪥ ꪹꪚꪱ ꪈꪱꪥ ꪎꪉꪰ ꫄ꪊ ꪜꪙꪸ ꪖꪱꪥ ꪩꪺꪉ ꪈꪣꪾ,  ꪫꪀꪸ ꫃ꪥꪒ ꪀꪺꪉ ꪤꪱꪙ ꪜꪙꪲ ꪖꪱꪥ ꪶꪔ ꪊꪀꪳ ꪭꪒꪳ ꪭꪮꪒ ꪫꪀꪸ ꪤꪮꪙ ꪚꪙꪸ ꫃ꪊ ꪵꪀꪉ ꪶꪀꪀ ꪊꪉꪲ ꪨꪷ ꪐꪷ ꪎꪉꪴ ꫃ꪊꪒ ꪹꪩꪉ ꪔꪉꪰ ꪵꪔꪉ ꪋꪺꪉ ꪼꪢ ꪋꪙꪸ ꪉꪚꪸ ꪀꪺꪉ ꪀꪫꪱꪘ ꪨꪲ ꪮꪺꪙ ꪝꪱ ꪝꪉꪳ ꪶꪔ ꪊꪀꪳ ꪊꪉꪲ ꪋꪲ ꪁꪷ ꪹꪏꪉ ꪊꪉ ꪁꪫꪙꪸ. ꪹꪝ ꪹꪏꪉ ꪙꪽ ꫄ꪁꪙ ꪣꪸ ꪩꪺꪉ ꫃ꪥꪒ ꪅꪪꪱ ꪭꪮꪀ ꪼꪫ ꪐꪰ ꪝꪱꪫ ꪩꪺꪉ ꪶꪎꪣ ꪻꪊ ꪀꪺꪉ ꪫꪀꪸ ꪎꪴ ꪀꪫꪱꪙ ꪨꪲ ꪊꪣꪴ ꪢꪴ ꪊꪱꪙ ꪶꪛ, ꫄ꪐꪙ ꪫꪙꪸ ꪼꪅ.

          ꪘꪱ ꪫꪀꪸ ꫜ ꪀꪺꪉ ꪝꪉꪳ ꪘꪱ ꪫꪀꪸ ꪼꪒ ꪜꪙꪴ ꪮꪮꪀ ꪀꪺꪉ ꪉꪲ ꪀꪫꪒꪸ ꪨꪷ ꪕꪒꪰ ꪜꪙꪴ ꪶꪎ ꪹꪩꪉ ꪻꪵꪬꪣꪙ ꪋꪮꪚ ꪀꪺꪉ ꪠꪴ ꪮꪺꪙ ꪝꪱ, ꪮꪫꪥꪲ ꪪꪙꪸ ꪹꪖꪉ ꪋꪀꪳ, ꪮꪫꪥꪲ ꪫꪙꪲ ꪋꪫꪙꪸ ꪵꪊꪀ ꪄꪮꪉ ꪶꪭꪥ ꪶꪓꪉ ꫄ꪤꪙ ꪶꪕꪀ ꪵꪀꪉ ꪝꪉꪳ ꪮꪫꪥ ꪚꪱꪙ ꪄꪮꪉ ꪀꪺꪀ ꪶꪭꪥ ꪕꪮꪥ ꪩꪺꪉ ꪋꪫꪙꪸ ꪵꪊꪀꪄꪮꪉ ꪶꪭꪥ ꪶꪓꪉ ꫄ꪤꪙ ꪶꪕꪀ ꪵꪀꪉ ꪮꪫꪲꪥ ꪚꪱꪙ ꪄꪮꪉ ꪀꪺꪁ ꪶꪭꪥ ꪕꪮꪥ ꪩꪺꪉ ꪤꪮꪙ ꪎꪸ ꫄ꪀꪚ ꪠꪷ ꪵꪀꪉ ꪮꪫꪥꪲ ꪫꪘꪸ ꪹꪖꪉ ꪊꪀꪳ, ꪎꪚꪸ ꪩꪒꪰ ꪹꪩꪱ ꪶꪔ ꪊꪀꪳ ꪕꪱꪉ ꪀꪺꪉ ꪫꪽ ꪠꪮꪉ ꪀꪺꪀ ꪶꪭꪥ ꪕꪮꪥ ꪩꪺꪉ ꪬꪺꪙ ꫃ꪔꪙ ꪻꪬ ꪋꪮꪚ ꪅꪷ, ꫃ꪥꪒ ꪫꪀꪸ ꪼꪒ ꪩꪱꪉ ꪒꪲ. ꪎꪮꪉ ꪢꪱ ꪶꪎ ꪓꪱꪥ ꪚꪫꪥꪸ ꪀꪺꪀ ꪶꪭꪥ ꪋꪫꪙꪸ ꪵꪊꪀ  ꪕꪮꪥ ꪩꪺꪉ ꪜꪙꪴ ꪵꪔꪉ ꪮꪮꪀ. ꪈꪙꪸ ꪀꪫꪲ ꪫꪀꪸ ꪤꪮꪙ ꪵꪣꪙ ꪋꪮꪚ ꪶꪎ ꪓꪱꪥ ꪚꪫꪸ ꪀꪺꪀ ꪶꪭꪥ ꫃ꪥꪒ ꪫꪀꪸ ꪘꪉꪰ ꪝꪉꪳ ꫄ꪀ ꪀꪫꪱꪙ ꫄ꪊꪚ ꪙꪣꪾ ꪠꪱꪚ ꪩꪺꪒ.

          ꪨꪱꪥ ꪓꪱꪥ ꪚꪫꪸ ꪕꪙꪲ ꪹꪶꪶꪋ ꪀꪚꪾ ꪀꪣꪾ ꪀꪫꪒꪸ ꪄꪮꪉ ꪒꪱꪉ, ꪩꪺꪉ ꪶꪜꪉ ꪻꪊꪄꪮꪉ ꪋꪴ ꫄ꪀꪚ, ꪋꪴ ꪵꪈꪶꪶꪉ ꪋꪺꪉ ꪼꪢ ꪊꪉꪲ ꪋꪲꪋꪲ ꪤꪮꪙ ꪻꪬ ꪋꪮꪚ ꪅꪷ, ꫃ꪥꪒ ꪫꪀꪸ ꪼꪒ ꪩꪱꪉ ꪒꪲ, ꪋꪒꪳ ꪔꪮꪚ ꪼꪒ ꪩꪱꪉ ꪮꪱꪫ ꪔꪉꪰ ꪵꪔꪉ ꪵꪀꪉ ꪢꪱ ꪼ ꪄꪚꪱꪙ ꪹꪣꪉ ꪀꪺꪉ ꪥꪱꪙ ꪏꪸ ꪼꪅ ꪙꪲ.

          Piến thái, xiếp lặt tổ chức chuông máy - vịa cận dệt ngay

          Đối cắp tổ chức khong Đảng, nghị quyết vạu chảnh; đốp muộn pưng vịa dệt khong pưng Ban uôn pa Tây bắc, Tây Nguyên, Tây Nam Bộ, tổ chức lau Đảng bộ nọk mương cánh Đảng bộ Bộ Ngoại giao toi luông tênh nhẳn pao luông pun chung, tênh nhẳn pao vạy tủm pua vịa tẳng tánh Đảng nẳng nọk mương. Văn phòng Ban uôn pa sảng panh tư pháp Trung ương chi chiên pày Ban Nội chính Trung ương cánh tổ chức lau hảu chọp men. Chủm mú tổ chức Hươn nước nẳng Trung ương, chính quyên địa phương. Mặt trận Tổ quốc cánh pưng đoàn thể chính trị xã hội cọ chi đảy xiếp lặt chuông máy men chọp. Đại biểu Dương Trung Quốc, đoàn Đồng Nai va hịa: Ặn lỏ pưng vịa dệt cận dệt ngay vạy xiếp lặt chọp khọ chuông máy khong cá chủm mú chính trị, lưn xưa lỏ cuông chơ ngân sách nhăng nọi, đảy liệng cá chuông máy nháư, lai thản. Hák va toi lung Dương Trung Quốc, tọp hom hảu nọi chọp hak va đảy pày toi huấn nọi chủm mú, dón biên chế:

          Chuông máy khay nị nhăng nháư lài, chôn lài thản, báu chọp châng cắp dan xi khay nị. Pưa xương nặn, cận mi luông piến thái, mi dan vạy dón xia côn dệt vịa. Đối cắp địa phương, bộ, ngành đảy căm quyết chấp năm. Toi đại biểu Phan Ngọc Thọ, đoàn Thừa Thiên Huế, báu ngai săng chơ piến thái luông ngắm, vịa dệt cuông dan piến thái tổ chức hựt họt vịa dón biên chế cánh cốc chính lỏ nho xùng chất lượng tẳng tánh chuông máy chuyên nghiệp cuông quản lý điều hành pưng tổ chức chính trị cọ xương chính quyên. Pưa xương nặn, cận mi luông dệt khoa học vạy nhẳn pao luông xôm chàư cuông vịa xủ, quản lý chủm mú cán bộ, nhân viên khay nị.

          Nả vịa nưng cuông pưng nả vịa đảy pun ók cuông Nghị quyết lỏ tặt pun số lượng hảu men chọp cuông phủ uôn pa, uỷ viên thường trực, uỷ viên chuyên trách khong Hội đông Dân tộc caán pưng uỷ ban khong Quốc hội toi luông chuyên trách khong Hội đông Dân tộc cánh pưng uỷ ban khong Quốc hội toi luông dón só cấp phó cánh uỷ viên thường trực, xiếp lặt lau tổ chức tang cuông khong Văn phòng Quốc hội toi luông huấn hảu chọp khọ, dệt vịa đảy lang đi. Xong ma, số đại biểu Quốc hội chuyên trách toi luông pun tánh ók; nghiên cứu vịa dón men chọp số đại biểu Quốc hội dệt vịa nẳng pưng cơ quan chấp năm pháp luật.

          Lai đại biểu tin chưa, cắp căm quyết khong Đảng, luông pông chàư khong chu cấp, chu ngành, chuông máy chính trị chi dón hảu chọp khọ, dệt vịa đảy lang đì, cựt tóp đảy lang áo tẳng tánh cánh mả khày bản mương cuông dan xi khay nị.

                                                                   TTT - Hạnh dịch