ꪹꪊꪉ ꪚꪱꪙ ꪘꪮꪣ ꪀꪣꪾ ꪤꪮꪥ ꪊꪱꪉ ꪼꪒ ꫄ꪤꪙ ꪕꪙꪲ ꪹꪋ

        ꪜꪲ 2009 ꪨꪉꪷ ꫄ꪋ ꪵꪮꪚ ꪵꪩꪫ ꪊꪉꪴ ꪭꪮꪀ ꪶꪠ ꪶꪖꪉ, ꪮꪙꪲ ꪒꪴ ꪮꪱꪥ ꫃ꪯꪣ ꪄꪷ ꪣꪷ ꪹꪏꪉ ꪙꪽ ꪯꪱꪥ ꪭꪫꪱꪙ ꪀꪫꪒꪸ ꪓꪉꪸ ꪤꪴ ꪹꪭꪙ ꪼꪫ ꪋꪮꪥ ꪮꪱꪥ ꫃ꪯꪣ ꪵꪔꪭ ꪨꪱ ꪫꪀꪸ ꪹꪭꪙ ꪀꪱꪙ ꪤꪱꪫ. ꪶꪋꪣ ꪭꪚꪾ ꪎꪉꪲ ꪭꪫꪱꪒ ꪒꪪꪱꪙ ꪘꪉꪷ ꫄ꪀ ꫄ꪎ, ꪭꪫꪱꪙ ꪼꪒ ꪹꪛꪱ ꫃ꪤꪒ ꪚꪲ ꪖꪳ ꪋꪲ ꪒꪫꪱꪙ. ꪭꪮꪒ ꪜꪲ 2015, ꪯꪱꪥ ꪼꪒ ꫄ꪤꪙ ꪹꪣꪉ ꪕꪙꪲ ꪹꪋ ꪹꪚꪱ ꫃ꪥꪒ ꪠꪷ ꪚꪲ ꪖꪳ ꪋꪲ ꪶꪛ - ꪹꪊꪉ ꪚꪱꪙ ꪘꪮꪮꪡ ꪨꪱ ꫄ꪋ ꪬꪉ ꪲ ꪼꪒ 24 ꪜꪲ. ꪝꪉꪳ ꪣꪳ ꪶꪀꪀ ꪵꪅꪀꪫ ꫃ꪤꪒ ꪹꪊꪉ ꪚꪱꪙ ꪁꪷ ꪝꪷ ꪨꪱꪥ ꪄꪴ ꪤꪱꪀ ꪋꪱ ꫃ꪭ ꪣꪲ ꪀꪉꪲ ꪉꪣꪸ ꪀꪺꪉ ꪫꪀꪸ ꫃ꪥꪒ ꪹꪏꪉ ꪙꪽ ꪯꪱꪥ ꪁꪷ ꪝꪷ ꪨꪱꪥ ꪥꪱꪀ ꪋꪱ ꪀꪺꪉ ꪫꪀꪸ ꪋꪙꪸ ꪜꪱꪫ, ꪹꪊꪉ ꪹꪋ ꪝꪸ ꪙꪮꪉ. ꪹꪝ ꪹꪏꪉ ꪙꪽ ꪯꪱꪥ ꪁꪷ ꪤꪮꪣ ꪨꪱꪥ ꪥꪱꪙ ꫄ꪋ ꪼꪜ ꪭꪮꪒ ꪕꪉꪳ ꪋꪺ ꪹꪭꪙ ꪬꪉꪸ ꪡꪉꪷ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪝꪲ ꪙꪮꪉ, ꪵꪮꪚ ꪭꪮꪀ ꪘꪉꪷ ꪜꪙꪴ ꪩꪱꪙ ꪮꪱꪥ ꪝꪲ ꪼꪜ ꪀꪮꪙ ꪼꪫ ꪎꪱꪉ ꪕꪣꪾ ꪩꪺꪉ ꪭꪴ ꪊꪱꪉ ꪀꪚꪾ ꪩꪺꪉ ꪈꪣꪾ “ ꪫꪀꪸ ꪎꪉꪷ ꪣꪲ ꫄ꪩꪥ ꪻꪬ ꫄ꪤꪙ ꪨꪷ ꫃ꪥꪒ.

          ꪨꪱꪥ ꪄꪴ ꪼꪒ ꪒꪴ ꪨꪷ ꪄꪷ ꪣꪷ ꪥꪱꪀ ꪋꪱ ꪭꪮꪙ ꪭꪙꪳ ꪘꪉꪷ ꪚꪱꪙ ꪹꪣꪉ: ꪶꪎꪙ ꪝꪉꪸ ꪒꪙꪲ ꪒꪮꪙ ꪹꪊꪉ ꪹꪋ ꫄ꪤꪙ ꪹꪣꪉ ꪏꪒꪷ ꪑꪱꪥꪶ ꪵꪚꪉ ꪜꪽ ꪒꪙꪲ ꪒꪮꪙ, ꪝꪉꪳ ꪋꪺ ꪹꪭꪙ ꫄ꪤꪙ ꪠꪒꪲ ꪄꪮꪉ ꪔꪮꪉ ꪁꪫꪱꪣ ꪀꪽ ꪝꪮꪣ ꪼꪒ ꪯꪱꪥ ꪵꪀ ꪼꪄ ꪵꪣꪙ ꪋꪮꪚ.

          ꪹꪚꪱ ꪎꪺꪙ ꪕꪷ ꫃ꪥꪒ ꪒꪲ ꪘꪱ ꪫꪀꪸ ꪼꪒ ꪤꪱꪫ ꪹꪊꪉ ꪚꪱꪙ ꪁꪱ ꪪꪽ ꪭꪫꪱꪙ ꪑꪉꪷ ꫄ꪩꪉ ꪝꪱ ꪕꪺꪙ ꪮꪺꪙ ꪀꪮꪙ ꪀꪺꪉ ꪫꪀꪸ ꪢꪱ ꪼꪄ ꪀꪉꪲ ꫃ꪔ ꪹꪭꪙ ꪥꪱꪫ, ꪊꪮꪉ ꪵꪭꪉ ꪹꪊꪉ ꪹꪋ ꪝꪲ ꪙꪮꪉ ꪜꪙꪲ ꪖꪱꪥ ꪹꪋ ꪡꪽ ꪀꪷ ꪜꪀꪴ ꪶꪚꪉ, ꪶꪔ ꪵꪔꪉ ꪩꪉꪸ, ꪎꪴ ꪅꪫꪱ ꪭꪮꪀ ꪀꪲ ꪗꪺꪒ ꪻꪎ ꪫꪀꪸ ꫃ꪤꪒ ꪹꪥꪙ. ꪚꪱꪙ ꪘꪮꪮꪉ ꪨꪱ ꪣꪲ 54 ꪋꪺ ꪹꪭꪙ ꪀꪚꪾ ꪋꪲ ꪮꪱꪫ ꪭꪮꪒ 200 ꪬꪺ ꫛ ꪩꪺꪙ ꪕꪷ ꪠꪴ ꪼꪕ ꪀꪙꪲ ꪤꪴ. ꪨꪉꪷ ꫄ꪋ ꪼꪒ ꪹꪭꪙ ꪵꪢꪀ ꪖꪴ ꪹꪮꪱ ꪒꪙꪲ ꪶꪘꪉ ꪉꪚꪸ ꪼꪫ ꪔꪉꪷ ꪵꪔꪉ ꪶꪀꪀ ꪹꪉꪙ ꪎꪉꪲ ꪄꪮꪉ ꪶꪠꪉ ꪶꪓ ꪖꪲ, ꪯꪱꪥ ꪭꪫꪱꪙ ꪝꪮꪣ ꪀꪚꪾ ꪝꪲ ꪙꪮꪉ ꪊꪮꪉ ꪵꪭꪉ ꪑꪱꪥ ꪜꪙꪸ ꪩꪺꪉ ꫃ꪤꪒ ꪹꪥꪙ ꪀꪉꪲ ꫃ꪔ ꪼꪜ ꪁꪱ ꪄꪱꪥ ꪨꪱꪥ ꪔꪱꪉ ꪼꪄ ꪮꪮꪀ ꪝꪉꪳ ꪹꪭꪙ ꪬꪱꪉ ꫃ꪤꪒ ꪁꪣꪾ ꪀꪙꪲ, ꪁꪱ ꪄꪱꪥ ꪹꪋꪉ ꪭꪱꪉ.

          ꪭꪮꪒ ꪼꪅ ꪚꪱꪙ ꪣꪲ 30 ꪋꪺ ꪹꪭꪙ ꪶꪎꪣ ꪝꪷ ꪭꪉꪷ ꪣꪲ, ꪹꪚꪱ ꪣꪲ ꪋꪺ ꪹꪭꪙ ꪁꪒꪷ. ꪨꪱꪥ ꪜꪲ ꪥꪙꪸ ꪚꪱꪘ ꪼꪒ ꪶꪀꪉ ꪐꪽ ꪨꪷ ꪚꪱꪘ ꪪꪽ ꪬꪫꪱ, ꪹꪚꪱ ꪣꪲ ꫛ ꪉꪱꪚ ꪉꪙꪸ ꪁꪙ ꪤꪱꪉ, ꪹꪚꪱ ꪣꪲ ꫛ ꪮꪮꪀ ꪩꪀꪴ ꪖꪳ 3.

          ꪚꪱꪙ ꪘꪮꪮꪉ ꪨꪱ, ꪹꪠꪉ ꪋꪉꪸ ꪎꪉꪲ, ꪵꪖꪉ ꪶꪠ ꫄ꪎꪙ ꪨꪱ ꪣꪳ ꪙꪲ ꪹꪑꪉ ꪣꪳ ꪹꪑꪉ ꪜꪙꪲ ꪖꪱꪥ ꪨꪱꪥ ꪥꪮꪉ. ꪩꪱꪉ ꪒꪲ ꪙꪽ ꪣꪲ ꪩꪺꪉ ꪀꪮꪚ ꪶꪭꪣ ꪶꪎꪣ ꪒꪱꪉ ꪨꪷ ꪵꪫꪙ ꪵꪏꪉ ꪻꪬ ꪒꪱꪉ ꪪꪙꪸ ꪘꪮꪣ ꪀꪣꪾ ꪵꪮꪚ ꪭꪮꪀ ꪣꪙꪾ ꪕꪮꪥ.    

                                                ꪵꪊꪫ ꪖꪴ - ꪵꪭꪉ ꪥꪀꪲ

Trưởng bản nóm căm giỏi chang đảy dân tin chưa

Pi 2009 lăng chơ ép lẹo Trung học phổ thông, ín đù ải êm khó mo xương nặn ai Hoan quyết định dú hươn vạy choi ải êm tánh la vịa hươn can dảo. Chôm hặp sinh hoạt Đoàn nẳng cơ sở, Hoan đảy bau dệt bi thư chi đoàn. Họt pi 2015, ai đảy tin chưa bau dệt Phó Bí thư chi bộ - Trưởng bản Noong La chơ hính đảy 24 pi. Pưng mự cốc khọe dệt trưởng bản, hê mi kinh nghiệm cuông vịa dệt xương nặn cọ pọ ai dạk cha cuông vịa chiên páo, chướng chưa pi nọng. Pưa xương nặn ai cọ dom lai dan chơ vạy pày họt tựng chua hươn, hiếng phăng lang pháư chàư mon khong pi nọng, ép học nẳng pùn lan ải pi pày cón vạy sảng tăm luông hụ chang cắp luông ngắm “ Vịa săng mi lợi đì hảu dân lỏ dệt”.

          Lai khu đảy đù lỏ khó mo dạk cha họn hưn nẳng bản xương: xốn piêng đin đon, chướng chưa dân mương sặt nhại, bánh păn đin đon, pưng chua hươn dân phít khỏng tỏng quam căn pọm đảy ài kẻ khày men chọp.

          Báu xuấn to dệt đi nả vịa đảy giao, trưởng bản Ca Văn Hoan nhăng lâng pa tuôn uôn cón cuông vịa mả khày kinh tế hươn dảo, chóng hanh chướng chưa pi nọng piến thái chựa phăn co púk bồng, tô tảnh liệng, xủ khoa học kỹ thuật sáư vịa dệt dượn. Bản Noong La cọ mi 54 chua hươn cắp chí áo họt 200 hùa côn luận tô phủ Tay kin dú. Lăng chơ hươn nước thu au đin nông nghiệp vạy tẳng tánh cốc ngươn sính khòng phổng đô thị, ai Hoan pọm pi nọng chóng hanh nhaị piến luông dệt dượn kinh tế pày cạ khài lai tàng, khày ók pưng hươn hang dệt căm kin, cạ khài chương hang. Họt khạy bản cọ mi 30 chua hươn xôm po hăng mi, báu mi chua hươn cặt. Lai pi diên bản đảy công nhẳn lỏ bản văn hoá, báu mi côn ngạp nghiên cuôn dàng, báu mi côn ók lụk thứ 3.

Bản Noong La, phường Chiêng Sinh, thanh phố Sơn La mự nị hương mự nhương piến thái. Lang đi nặn mi luông cóp hôm báu nọi khong côn trưởng bản - đảng viên nóm căm Ca Văn Hoan. Ai xôm đáng lỏ ven xanh hảu đảng viên nóm căm ép học nặm toi./.

                                                Chẻo Thu - Hạnh dịch