ꪠꪴ ꪑꪉꪲ ꪼꪕ ꫄ꪅꪉ ꪻꪊ ꪩꪱꪙ ꪼꪩ ꪎꪸ ꪁꪒꪰ ꪁꪉꪴ

ꪜꪲ 1972 ꪨꪉꪰ ꫄ꪋ ꪶꪔꪒ ꪉꪚꪸ ꪹꪋꪉ ꪊꪉꪴ ꫄ꪀꪚ ꪶꪘꪉ ꪉꪚꪸ ꪼꪔ ꪚꪀꪰ, ꪜꪱ ꪁꪱ ꪗꪲ ꪵꪯ ꪹꪄꪱ ꫃ꪥꪒ ꪫꪀꪸ ꪘꪉꪰ ꪋꪱꪥ ꪈꪙꪸ ꪀꪫꪲ ꪹꪋ ꪀꪷ ꪜꪀꪴ ꪶꪚꪉ ꫄ꪎꪙ ꪨꪱ. ꪜꪲ 1993 ꪜꪱ ꪣꪱ ꪥꪉꪰ ꪬꪫꪲ ꪔꪮꪥ ꫃ꪊ ꪶꪗ ꫃ꪢꪒ ꪵꪭꪉ. ꪵꪩ ꫃ꪬꪙ ꪋꪺ ꪹꪭꪙ ꪹꪊꪱ ꪣꪲ ꪨꪱꪥ ꪒꪙꪲ ꪜꪴ ꪀꪫꪱꪉ, ꪠꪺ ꪣꪸ ꪝꪮꪣ ꪥꪉꪰ ꪬꪫꪲ ꪵꪩꪫ ꪹꪏꪉ ꪙꪽ ꪁꪷ ꪶꪎ ꪫꪱꪙ ꪀꪚꪾ ꪀꪽ. ꪜꪲ 1996 ꪜꪱ ꪁꪱ ꪗꪲ ꪵꪯ ꪎꪴ ꪒꪙꪲ ꪜꪴ ꪼꪫ ꪜꪀꪴ ꪶꪚꪉ ꪵꪀꪉ ꪵꪔꪉ ꪩꪉꪸ ꪼꪀ ꪼꪎ. ꪜꪉꪳ ꪣꪳ ꪹꪣ ꪵꪄꪫ ꪬꪉꪲ ꫃ꪥꪒ ꪊꪱꪉ ꪋꪱꪥ ꪋꪺ ꪹꪭꪙ ꪜꪱ ꪵꪯ ꪜꪀꪴ ꪮꪮꪥ ꪵꪀꪉ ꪘꪷ ꪚꪱꪙ ꪬꪱꪀ ꪫꪱ ꪹꪚꪱ ꪁꪒꪳ ꪼꪒ ꪩꪱꪉ ꪒꪲ ꪀꪉꪲ ꫃ꪔ ꪎꪉꪴ, ꪋꪺ ꪹꪭꪙ ꪜꪱ ꪥꪙꪸ ꪔꪱꪫ ꪣꪱ ꪜꪀꪴ ꪀ ꪑꪱꪙ ꪵꪀꪉ ꪢꪱꪀ ꪣꪽ ꪕꪱꪣ ꪭꪫꪱ. ꪼꪅ ꪙꪲ ꪋꪺ ꪹꪭꪙ  ꪜꪱ ꪣꪲ ꪀꪱꪥ 80 ꪀꪷ ꪑꪱꪙ ꪵꪀꪉ 60 ꪀꪷ ꪣꪽ ꪕꪱꪣ ꪭꪫꪱ, ꪜꪽ ꫄ꪝꪉ ꪼꪜ ꪁꪒꪳ ꪼꪒ ꪖꪴ ꫄ꪑꪚ 150 ꪋꪫꪸ ꪢꪽ ꪢꪮꪥ ꪜꪲ.

          ꪨꪉꪰ ꫄ꪋ ꪣꪲ ꪖꪴ ꫄ꪑꪚ ꪶꪎꪣ ꪝꪷ ꪵꪔ ꪀꪷ ꪬꪙꪲ ꪢꪱꪀ ꪜꪱ ꪵꪔꪉ ꪩꪉꪸ ꪔꪣꪳ ꪀꪱꪥ 150 ꪶꪔ ꪼꪀ ꪼꪕ ꪼꪫ ꪹꪮꪱ ꪼꪎ. ꪢꪮꪥ ꪜꪲ ꪋꪺ ꪹꪭꪙ ꪜꪱ ꪄꪱꪥ ꪼꪒ ꪀꪱꪥ 2000 ꪘꪺꪥ ꪼꪎ ꪁꪒꪳ ꪼꪒ ꪀꪱꪥ 10 ꪋꪫꪸ ꫄ꪉꪙ ꪢꪮꪥ ꪜꪲ.

          ꪹꪚꪱ ꪎꪺꪙ ꪕꪷ ꪢꪱ ꪼꪄ ꪀꪉꪲ ꫃ꪔ ꪻꪬ ꪋꪺ ꪹꪭꪙ ꪹꪊꪱ ꪩꪱ, ꪜ ꪱꪵꪯ ꪑꪉꪰ ꪨꪷ ꪶꪭꪥ ꪪꪙꪸ ꫄ꪅꪉ ꪻꪊ ꪶꪋꪣ ꪭꪚꪾ ꪋꪴ ꪬꪱ ꪡꪮꪉ ꪄꪮꪉ ꪶꪭꪥ ꪠꪴ ꪑꪉꪲ ꪹꪠꪉ ꪚꪱꪙ. ꪼꪫ ꪣꪲ ꪎꪮꪀ ꪼꪜ ꪕꪱꪉ ꪣꪱ ꪼꪒ ꪉꪱꪥ ꪒꪲ ꪋꪺ ꪹꪭꪙ ꪜꪱ ꪵꪚꪉ ꪜꪽ 200 ꪹꪖꪀ ꪶꪣꪙ ꪒꪙꪲ ꪼꪫ ꫃ꪥꪒ ꪕꪱꪉ. ꪜꪱ ꪩꪉꪴ ꪁꪷ ꪹꪊꪉ ꪹꪋ ꪝꪲ ꪙꪮꪉ ꫃ꪥꪒ ꪕꪱꪉ ꪹꪩꪱ ꪙꪾ ꪮꪺꪙ ꪙꪾ ꪼꪜ ꪻꪎ ꪊꪱꪉ ꪋꪱꪥ.

          ꫄ꪅꪉ ꪻꪊ ꪀꪺꪉ ꪬꪱ ꪡꪯꪉ ꪩꪱꪙ ꪼꪩ ꪎꪸ ꪮꪒꪳ ꪤꪱꪀ ꪁꪒꪰ ꪁꪉꪴ ꪘꪉꪰ ꫄ꪀ ꫄ꪎ ꪋꪺ ꪹꪭꪙ ꪜꪱ ꪁꪱ ꪗꪲ ꪵꪯ ꪁꪷ ꪼꪒ ꪶꪀꪉ ꪐꪽ ꪋꪺ ꪹꪭꪙ ꫃ꪥꪒ ꪹꪥꪙ ꪤꪮꪥ ꪄꪮꪉ ꪵꪗꪉ ꪶꪠ ꫄ꪎꪙ ꪨꪱ ꪵꪀꪉ ꪩꪺꪉ ꫃ꪥꪒ ꪊꪱꪉ ꪋꪱꪥ ꪄꪮꪉ ꪜꪱ ꪼꪒ ꪼꪄ ꪀꪫꪱꪉ ꪼꪫ ꪨꪱꪥ ꪋꪺ ꪹꪭꪙ ꪮꪙꪳ ꪀꪺꪉ ꪶꪠꪉ ꪵꪮꪚ ꪙꪣꪾ ꫃ꪥꪒ ꪕꪮꪥ.

                                                ꪪꪱꪉ ꪩꪱꪙ- ꪕꪮꪉ ꪵꪯꪉ ꪥꪀꪲ

Ngon tô thứ 5 mự 9/3/2017

Phủ nhinh Tay khâng chằư lan lay xìa cặt cung

Pì 1972, lằng chơ tốt nghiệp Trương trùng cấp Nồng nghiệp Tày Bắc, pả Ca Thị E khảu dệt vịa nẳng Trại nghiền cứu chựa cò púk bồng Sơn La. Pì 1993, pả ma dặng hìu toi chế độ mết hanh dệt vịa. Dệt xằng vạy kình tế hươn giảo xồm po xưa cánh mi tứm thù nhập hẳư puồng kìn luông dú ặn lâng lỏ lang ngắm khòng pả. Le hền chua hươn chảu mi đìn pu quảng, phùa mia pọm ma dặng hìu lẹo, pì 1996, pả Ca Thị E cọ xồ van cắp phùa xủ đìn pu vạy púk bồng cánh tảnh liệng pết cáy. Pưng mự mưa khoẹ hính dệt tràng trại, chua hươn pả E cọ púk ỏi cánh nó bàn, hák va báu cựt đảy lang đì kình tế xùng, chua hươn pả diên táo ma púk cò nhạn tom nga cánh cò mặn tam hoa. Khay nị chua hươn pả E mi dáo cài 80 cò nhạn tom nga cánh 60 cò mặn tam hoa, thù nhập pằn pâng pày té khài mák nhạn cánh mák mặn tam hoa cựt đảy cài 150 triệu mằn mỏi pì.

Lằng chơ mi thù nhập xồm po té cò kìn mák, chua hươn pả xứp tàm khày quảng vịa dệt dượn, tảnh liệng tứm cài 150 tồ cáy tay vạy àu xáy. Cứ tảnh liệng chu xứp chu, mỏi pì chua hươn pả E thù đảy cài 2000 nuối xáy khài ók chợ lạt, cựt đảy cài 10 triệu ngơn mỏi pì.

Báu xuốn to mả khày kình tế hẳư chua hươn chảu lạ, pả Ca Thị E nhăng lỏ hội viền nưng khâng chằư chôm hặp pưng há phong khòng Hội phủ nhinh phường, bản. Vạy dệt xók tang pày đì ma ngai hẳư po me cuồng bản, cánh vạy hôm phân tẳng tánh bản na mắư nẳng bản, pả lung cọ cóp hôm cài 200 thứak đìn tràng trại khòng chua hươn chảu vạy dệt tang. Pả lung cọ chướng chưa pi nọng lắp tó lang lau nặm uồn nặm ma dệt tràng trại.

Nẳng cờ sở, chua hươn pả Ca Thị E cọ đảy cồng nhẳn chua hươn dệt dượn giỏi khòng thanh phố Sơn La cánh luông dệt trang trại khòng chua hươn pả đảy khày quảng vạy lài chua hươn ứn cuồng phổng ép năm dệt toi./.

                                                          Vàng Lan-Tòng Anh dịch