Jâ Võ Thị Ánh Xuân, Phŏ Kăn xiâm hnê ngăn tơnêi têa tơpui tơno ƀă Phŏ Kăn xiâm hnê ngăn Kuô̆k hô̆i kong têa Alơmăng
Thứ sáu, 08:14, 04/07/2025 Tơplôu: A Sa Ly/VOV Tơplôu: A Sa Ly/VOV
VOV.Xơ Đăng - Tung roh lăm pôu pêi cheăng veăng Hneăng hôp khu râ kăn xiâm Vâi kơdrâi Lâp plâi tơnêi a Berlin, jâ Võ Thị Ánh Xuân, Phŏ Kăn xiâm hnê ngăn tơnêi têa hiăng ai roh tơpui tơno ƀă Phŏ Kăn xiâm hnê ngăn Kuô̆k hô̆i kong têa Alơmăng - pôa Bodo Ramelow a tíu pêi cheăng Kuô̆k hô̆i kong têa Alơmăng.

A roh tơpui tơno, jâ Võ Thị Ánh Xuân pơkâ thế péa pâ pơtối mơdêk tơpui tơno khu râ kăn xiâm, tung tâi tâng mâu ƀâng Đảng, Tơnêi têa, Chin phuh ƀă Kuô̆k hô̆i, pêi pro châ tơƀrê mâu troăng tơrŭm cheăng ki dế ai nôkố ƀă thăm tơrŭm a mâu roh hôp tơpui tơno lâp plâi tơnêi, môi tiah Khu lâp kong têa ƀă tung khu ASEAN – Khu tơrŭm châu Âu (EU).

Phŏ Kăn xiâm hnê ngăn tơnêi têa pơkâ thế Kuô̆k hô̆i Alơmăng pơtối môi tuăn mơdêk tơrŭm Việt Nam – EU; séa ngăn, rĕng kĭ Pơkâ Tŏng gum Mơ’no liăn cheăng Việt Nam – EU vâ mơjiâng ivá nếo ăm tơrŭm tê mơdró – mơ’no liăn cheăng pơla péa tơnêi têa; tơdrêng amê mơdêk Vi ƀan châu Âu rĕng tah lôi ‘’theh trĭng’’ IUU ƀă ká xi xŏng tê ngi kong têa ê dêi Việt Nam.

Péa pâ xuân môi tuăn thăm tơrŭm tung kơvâ gâk kring tơnêi têa – gâk kring tơniăn ƀă a mâu hôp tơpui tơno hên pâ, pơkâ rak hơniâp lĕm, tơniăn ƀă mơnhông mơdêk krá tơniăn tung lâp plâi tơnêi.

 

Tơplôu: A Sa Ly/VOV

Viết bình luận

TIN CÙNG CHUYÊN MỤC

Video

Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x