Klêi kơ’nâi séa ngăn tơleăng mâu rơkong pâ thế dêi kuăn pơlê pơtroh ăm hneăng hôp má 9, Kuô̆k hô̆i hneăng 15; klêi kơ’nâi tơdah kuăn pơlê, tơleăng mâu hlá đơn ƀă tơleăng tơdroăng ki pơsăm tối pơsăm tơkêng dêi kuăn pơlê hơnăm 2025. Môi tung mâu tơdroăng ki xiâm châ mâu kăn Kuô̆k hô̆i kal vâ ‘nâi cho mâu troăng hơlâ mơnhông tơƀrê vâ hbrâ mơdât kâ kơluâ tơƀrê tâ tung la ngiâ. Mâu kăn tối, hơnăm 2025, cheăng hbrâ mơdât kâ kơluâ, kâ kơ hveăm hiăng hlo tơƀrê khât. Tơdroăng ki châ ‘nâi, pơxâu phâk kâ kơluâ châ mơdêk rơdêi.

Cheăng lăm ngăn, pơsăm tối, pơxâu phâk mâu rôh ki kâ kơluâ hiăng châ pêi pro tro pơkâ dêi luât. Hên rôh kâ kơluâ ki hên, pro tơdjâk ó troh tơdroăng ki pơtối pơxâu phâk, pro xôi, dêi hên ngế kăn ƀô̆, kong chưk, tung mê ai tá kăn pơkuâ ối tung xiâm pơkuâ tơdroăng kal kí, Khu pơkuâ ngăn Đảng pơkuâ châ pêi pro nhên. Cheăng xo tơvêh liăn ngân ki kâ kơluâ tung hneăng séa ngăn hlo tơƀrê khât. Mâu kăn pơkâ thế pơtối pêi pro mâu troăng hơlâ thăm mơnhông hbrâ mơdât hnoăng pơkuâ, hbrâ mơdât kâ kơluâ sap ing hdrối, ing hngế.