Koh hâk pôa Soigu ƀă mâu kăn xiâm dêi Hô̆i đong Kring tơniăn kong têa Rusi lăm pôu Việt Nam, pôa Tô Lâm tối hneăng lăm pôu roh kố ai pơxúa kal, veăng mơnhông tâ nếo tơrŭm cheăng pơla péa kơ koan ki pơkuâ cheăng péa tơnêi têa tung kơvâ kring tơniăn, cheăng lêng ƀă hên kơvâ tơrŭm cheăng ki ê.

Kăn xiâm pơkuâ hnê ngăn Đảng tối nhên, Việt Nam hbrâ vâ mơdêk ƀă pro kông tơdjêp, hơlâ troăng dêi Kong têa Rusi mơdêk tơrŭm hên kơvâ cheăng ƀă ASEAN ƀă mâu kong têa tung khu dêi ASEAN. Péa pâ tơpui tơno mơdêk tơrŭm cheăng ki ê ƀă hlối vâ môi tuăn mơnhông tơrŭm cheăng kâ - tê mơdró, po rơdâ tơrŭm tung  tơdroăng ‘na on tơhrik, têa châu, hyôh on gas, pêi chiâk, pro kơmăi ƀă xúa kơmăi ki dâi lĕm; hlối mơhnhôk mơdêk tơdjêp ƀă dêi rơpó pơla mâu kong pơlê, khu mơdró ƀă khu ngăn cheăng kâ dêi péa pâ.