Tung to lâi hâi hdrối, mâu kơ koan ki ai tơdjâk troh dêi kong pơlê dế ‘mêng rơnêu, tơdroăng ki tơnêi rơheăng tơhnâp ki ó taluy troăng kân Hồ Chí Minh a Km1936+080 ƀă Km1936+300 a thôn 3, cheăm Quảng Tín, tơring Dak Lâp. Péa tíu kố ai tơdroăng tơnêi rơheăng taluy âm ƀă mơni kô tâp kơđu tơnêi, mơni kô tơdjâk troh troăng prôk ƀă pro ôh tá tơniăn a troăng prôk.

A péa tíu kố, tíu pêi cheăng pơkuâ ngăn troăng kân Hồ Chí Minh dế dế ‘mêng rơnêu mâu tíu ki rơheăng a kĭng tíu ki mơ’no têa drô vâ kơdroh iâ tơdroăng ki tơdjâk troh troăng. Tơdrêng amê hlối tơrŭm ƀă khu kăn pơkuâ tơring tơbleăng chiâ kloh kui mơ’no tơnêi vâ pro tơbăng, vâ kơdroh tơdroăng ki hngăm a kuâ taluy pêng troăng, tâp kơƀeăng tơbleăng rơ-iêo, hnhâng kơxái mơdât mot lo tung kơpong ki tơnêi tro rơheăng kố.