Tơbleăng dêi Khu xiâm tơpui kâ Việt Nam ăm ‘nâi, ing hâi lơ 21 troh hâi 27/9/2024, pôa Tô Lâm, Kăn xiâm pơkuâ tíu xiâm Đảng Kŏng san Việt Nam, Kăn xiâm hnê ngăn tơnêi têa prế kơdrâi pôa rơtế ƀă khu kăn xiâm Việt Nam kô veăng hôp a Rôh hôp kân Tung la ngiâ, Hneăng hôp hô̆i đong Khu lâp kong têa Hneăng 79, pêi cheăng a Mih. Pơtối mê, pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa lăm pôu râ tơnêi têa troh a Cuba tiô rơkong krếo thế dêi Kăn pơkuâ hnê ngăn Đảng má môi Khu pơkuâ Tíu xiâm Đảng Kŏng san Cuba, Kăn xiâm hnê ngăn tơnêi têa Kŏng hòa Cuba cho pôa Miguel Diaz Canel Bermudez.

Tiô ngế cheăng tơpui kâ ăm Khu xiâm tơpui kâ Việt Nam jâ Phạm Thị Thu Hằng tối hdrối, pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa kô ai ƀai pơchuât ki kal a Rôh hôp kân Tung la ngiâ, a Hneăng hôp hô̆i đong Khu lâp kong têa hneăng 79 ƀă ai mâu rôh trâm pơla péa pâ pa kong veăng hôp mâu tơdroăng cheăng ki kal tung rôh pêi dêi hnoăng cheăng a New York, Mih.