Ai tơdroăng ăm phêp dêi khu xiâm Kŏng an, kơxo hâi lơ 20/9, Đại tă Vũ Hồng Quang, Ngế pơkuâ Kŏng an kong pơlê Cao Bằng hiăng diâp kơxô̆ liăn 2 rơtal liăn xo ing liăn ‘măn kơdĭng Kum vâi pú Kŏng an kuăn pơlê, kơjo kum kuăn pơlê ki trâm pá xua khía kân rôh má 3 plong mot tung kong pơlê. Kố cho mâu tơdroăng pêi pro ki tro dêi kăn ƀô̆, mâu lêng tung tâi tâng mâu lêng Kŏng an pơtroh ăm kuăn pơlê kơpong trâm pá kong prâi pro, rĕng tơniăn tung rêh ối.

Teăng mâ Khu xiâm Kŏng an, Đăi tă Vũ Hồng Quang púi vâ ƀă hnoăng cheăng pêi tơdjuôm,  Vi ƀan Măt trâ̆n tơnêi têa Việt Nam kong pơlê Cao Bằng kô xoăng kơxô̆ liăn tŏng gum tro mơngế, tơniăn tơbleăng, tơdrăng. Troh nôkố, Vi ƀan Măt trâ̆n tơnêi têa Việt Nam kong pơlê Cao Bằng hiăng tơdah xo kơxô̆ liăn veăng gum tung tơnêi têa ƀă kong têa ê ăm lối 134 rơtal liăn, lối 115 tâ̆n phái ƀă dâng 300 tấn tơmeăm ki ê.