Gia Lai: Diâp pri tơ’noăng tí tăng ‘nâi plĕng “70 hơnăm ƀlêi trâng Điện Biên Phủ” ƀă 65 hơnăm hâi po troăng Hồ Chí Minh – Hâi mơjiâng Mố đô̆i Trường Sơn.
Thứ bảy, 09:28, 04/05/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo lơ 3/5, Khu pơkuâ hnê ngăn Đảng Gia Lai tơkŭm po diâp pri tơ’noăng tí tăng ‘nâi plĕng “70 hơnăm ƀlêi trâng Điện Biên Phủ” ƀă 65 hơnăm hâi po troăng Hồ Chí Minh – Hâi mơjiâng Mố đô̆i Trường Sơn.
Klêi 2 khế tơbleăng, rôh tơ’noăng hiăng châ xo 450 ngế veăng ing mâu mâu rơxông kuăn pơlê, kăn ƀô̆, đảng viên ƀă mâu đảng ƀô̆ tung kong pơlê. Tung 2 khế, rôh tơ’noăng châ tơkŭm po chiâng 8 hneăng tơ’noăng tiô tơdroăng trăk nghiê̆m tơdrêng ing troăng hyôh internet, rêm hneăng ai 56 rơpâu ngế veăng tơ’noăng.
Tơdroăng kal dêi mâu tơdroăng kơ-êng cho tơkŭm tung inâi “Điện Biên Phủ, troăng Hồ Chí Minh – Hiâm mơno, tuăn ngoâ Việt Nam”, ƀă mâu tơdroăng ki hdró tơdroăng ton nah ƀă mâu tơdroăng tơplâ khên tơnôu hlâ rêh dêi khu lêng ƀă kuăn pơlê pin tung rôh tơplâ xâ Pơhlăng rôh ki ó cho Ƀlêi trâng Điện Biên Phủ; rơtế amê cho tơdroăng pơxúa kân khât dêi troăng kân Hồ Chí Minh.
Viết bình luận