A hneăng hôp, pôa Lý Minh Thái, Kăn pơkuâ Khu pơkuâ ngăn pơkeăng ƀă khăm pơlât Gia Lai châ 64/67 kăn teăng mâ rah xo pro kăn cheăng tung Vi ƀan kong pơlê Gia Lai. Hdrối mê, tung dế khế 3/2024, pôa Thái châ Vi ƀan kong pơlê Gia Lai rah xo pro Kăn pơkuâ khu pơkuâ ngăn pơkeăng ƀă khăm pơlât.
Pôa Lý Minh Thái kot mâ hơnăm 1974, tơdroăng ki hriâm ƀok thái pơkeăng chuyên khoa II; cao câ̆p lĭ luâ̆n kal kí, pêi cheăng tung kơvâ ngăn pơkeăng ƀă khăm pơlât sap ing hơnăm 1998 a Tíu xiâm ngăn pơkeăng ƀă khăm pơlât tơring Chư Păh. Xuân a hneăng hôp roh kố, 100% kăn teăng mâ Hô̆i đong kong pơlê Gia Lai têk kŏng môi tuăn ăm môi iâ mâu ngế Kăn pơkuâ hdroâng kuăn ngo (ối tung Hô̆i đong kong pơlê) ƀă ăm pơtê cheăng kăn teăng mâ Hô̆i đong kong pơlê ƀă jâ Đinh Thị Giang xua xôi mâu pơkâ ‘na mâu tơdroăng đảng viên ôh tá chiâng pêi; xôi mâu pơkâ ‘na pơkuâ, xúa kơxô̆ liăn hbrâ mơdât pơreăng COVID-19 a Vi ƀan Măt trâ̆n Tơnêi têa Việt Nam.
Viết bình luận