Veăng leh mê ai pôa Nguyễn Trọng Nghiã, Ngế pơkuâ khu mơhnhôk cheăng kal kí ƀă hnê mơhnhôk cheăng Xiâm tơnêi têa; jâ Võ Thị Ánh Xuân, Phŏ Kăn xiâm hnê ngăn tơnêi têa ƀă mâu khu xiâm, kơvâ cheăng, khu Kăn dêi tíu xiâm tơnêi têa. Tơbleăng a rôh leh, pôa Nguyễn Trọng Nghiã pơkâ thế kong pơlê Bình Định ƀă mâu kong pơlê tung kơpong kơxô̆ 5 pơtối mơdêk tơrŭm cheăng, tơrŭm tơƀrê tâ nếo; pêi tro tơdroăng lăm pôu kơ-êng hơlêm, pơ-eăng mâu rơpŏng ai hnoăng, pâ ngoh nâ lơ nhŏng o xiâm mâu kăn ƀô̆, mâu lêng, kuăn pơlê, malối mâu rơxông nếo, mơhno ki rơkê tung pơkuâ hnê tơtro dêi Đảng, pôa Hồ Chí Minh, Kăn xiâm hnê ngăn tơnêi têa ki apoăng ƀă ki hiăng hlâ xuâ pleăng tơná, hnoăng pleăng kân kĭn dêi mâu ngế ki prôk hdrối.

Tơdroăng mê vâ pơtối rak ƀai hriâm ing rôh lăm hriâm kal thế rak tơdrêng ƀă tơdroăng cheăng mơjiâng, hnê ăm rơxông kăch măng ki achê, pêi pro tro tơdroăng tiô pơkâ hnoăng pêi pro tung rơxông pơ’lêh nếo ƀă mơnhông.