Thươ̆ng tươ̆ng Huỳnh Chiến Thắng, Kăn xiâm phŏ tí tăng ‘nâi plĕng Khu lêng Kuăn pơlê Việt Nam pơkuâ djâ Khu kăn ki pêi dêi hnoăng cheăng dêi Khu xiâm pơkuâ ngăn lêng, hiăng lăm troh ngăn tíu ki ai tơdroăng ôh tá tơniăn dêi môi khu ngế pĕng hnêa a tíu pêi cheăng Vi ƀan hnê ngăn cheăm Ea Tiêu ƀă cheăm Ea Ktur, tơring Čư̆ Kuin, kong pơlê Dak Lak.

Thươ̆ng tươ̆ng Huỳnh Chiến Thắng rơtế ƀă Khu kăn ki pêi dêi hnoăng cheăng hiăng mơhnhôk mâu khu lêng ki ai tơdjâk troh ki xiâm gâk, rak vế a péa tíu cho cheăm Ea Tiêu ƀă Ea Ktur, tơdrêng amê, hlối pơkâ thế khu ki ai tơdjâk troh, kuăn pơlê, khu lêng kring vế, khu kăn pơkuâ cheăm, tơring pơtối mơdêk hiâm mơno hbrâ kơchăng, rak vế tơniăn ăm kuăn pơlê.Xuân tung hâi lơ 12/6, môi khu ki pêi dêi hnoăng cheăng xua Thươ̆ng tươ̆ng Lương Tam Quang, ngế xiâm phŏ pơkuâ Kŏng an hiăng troh pôu, kơ-êng, veăng sĭng khéa, mơhnhôk rơpŏng mâu ngế ki hlâ, tro rong tung tơdroăng ki ai môi khu ngế ki pĕng hnêa a tíu pêi cheăng Vi ƀan hnê ngăn cheăm Ea Tiêu ƀă Ea Ktur,