A kơpong tơbâ Đăi tươ̆ng Võ Nguyên Giáp, pôa Phạm Minh Chính, Ngế pro xiâm hnê ngăn tơnêi têa rơtế ƀă khu râ kăn pêi cheăng chôu nhâng ƀă tu ko pâ troh vâ tơbâ a um Đăi tươ̆ng Võ Nguyên Giáp ƀă mâu ngế khên tơnôu hlâ tung tơplâ xâ a Tíu tơplâ xâ Điện Biên Phủ. Inâi, tơdroăng ki rơkê pơkuâ lêng dêi Đăi tươ̆ng Võ Nguyên Giáp – Kăn pơkuâ dêi tơdroăng tơplâ, ngế ngoh dêi Khu lêng kuăn pơlê Việt Nam, Kăn pơkuâ lêng ki rơkê, rơkê păng ‘nâng tung pơkuâ lêng ƀă ngế hok tro rơkê má môi dêi pôa Hồ Chí Minh, Kăn xiâm hnê ngăn tơnêi têa hneăng apoăng; tơdroăng veăng kum, pleăng dêi châ chăn mơheăm chhá dêi Đăi tươ̆ng Võ Nguyên Giáp ƀă mâu lêng hlâ tung tơplâ xâ nah kô đi đo chôu vế tung tơdroăng ƀlêi trâng dêi hdroâng mơngế pin, khu lêng pin môi tiah môi tơdroăng chêh ki xŏn ôh tá kâi hía.
Pơtối mê, pôa Phạm Minh Chính, Ngế pro xiâm hnê ngăn tơnêi têa rơtế ƀă khu râ kăn pêi cheăng hiăng troh lăm pôu kơpong tíu chôu ‘măn tơmeăm Khu pơkuâ tơdroăng tơplâ Điện Biên Phủ; lăm pôu, diâp kơxuô tơmeăm 20 ngế lêng Điện Biên ƀă rơpŏng ai hnoăng tơnêi têa tung cheăm Mường Phăng, cheăm Pá Khoang, pơlê kong kơdrâm Điện Biên Phủ.
Viết bình luận