Tơpui a rôh trâm mâ, pôa Phạm Minh Chính, Ngế pro xiâm hnê ngăn tơnêi têa hiăng pơtroh rơkong kơ-êng, rơkong rơkâu ivá, rơkâu tơniăn lĕm má môi dêi pôa Nguyễn Phú Trọng, Kăn xiâm pơkuâ hnê ngăn Đảng troh mâu mêh, mâu miê, mâu tăm, mâu ngoh mâu nâ lêng Điện Biên, droh rơtăm djâ troăng ahdrối, dân kông hỏa tuyén, kuăn pơlê mâu hdroâng kuăn ngo kong pơlê Điện Biên hiăng veăng kum kal khât pro chiâng ƀlêi trâng Điện Biên Phủ “ô eăng pơtăm kơpong, ô eăng tung lâp plâi tơnêi”.
Ngế pro xiâm hnê ngăn tơnêi têa ăm ‘nâi, mâu hơnăm hdrối nah, ƀă tơdroăng “Ôu têa pâ kơnhŏng, kâ plâi pâ ngế kii pêt”, Đảng, Tơnêi têa pin di đo tơmâng ngăn ƀă pơkuâ, hnê mơhno pêi pro tro hnoăng cheăng pâ mơnê, ƀă hiâm mơno pôu râng, hiâm mơno pâ nhuô̆m ƀă tơdroăng ‘nâi pâ mơnê ó khât; hiăng pơkâ ƀă tơbleăng tơƀrê hên troăng hơlâ tŏng kum mâu mố đô̆i tro rong, mâu mố đô̆i châi tamo, nhŏng o mâu mố đô̆i ki hiăng hlâ, mâu ngế ai hnoăng ƀă kăch măng, ngăn kố cho hnoăng cheăng kal kí ki kal, đi đo ƀă tơrŭm tơroâ, pôu râng hnoăng.
Tung la ngiâ ah, Ngế pro xiâm hnê ngăn tơnêi têa pơkâ thế rêm râ pơkuâ, mâu kong pơlê pơtối pêii pro tro troăng hơlâ dêi Đảng, luât dê tơnêi têa, mơdêk rơdêi tâ nếo hnoăng cheăng tŏng kum mâu mố đô̆i tro rong, mố đô̆i châi tamo, rơpŏng mâu mố đô̆i ki hiăng hlâ, ngế ki ai hnoăng ƀă kăch măng.
Viết bình luận