Kăn xiâm pơkuâ hnê ngăn Đảng kheăn kơdeăn tơdroăng Khu pơtâng tối tơdroăng kal ƀă Mơhnhôk kuăn pơlê Tơnêi têa hiăng rĕng tơniăn khu pêi cheăng tơnêi têa, rah xo iâ mơngế, rah xo bro lế lĕm tro khu pêi cheăng kăn ƀô̆, kơtăng pêi pro hnê mơhno dêi Khu xiâm kal kí, Khu pơkuâ hnê ngăn cheăng Đảng tiô tro hiâm mơno ‘’rế kơtâu rế ối pơtâng’’.

Pôa Tô Lâm, Kăn xiâm pơkuâ hnê ngăn Đảng pơkâ thế, tung la ngiâ tâi tâng kơvâ Pơtâng tối tơdroăng kal ƀă Mơhnhôk kuăn pơlê pơtối hriăn plĕng pơhlêh nếo troăng tơmiêt ing tiô khôi vâi krâ nah troh tiô rơxông nếo, tơxâng pơkâ rế hía rế hên tâ tung tơdroăng mơnhông dêi tơnêi têa; ki rơhêng vâ tối mơjiâng khu pêi cheăng tâi hiâm mơno tâi ivá kum ăm kuăn pơlê, đi đo tơmiât troh tíu pêi cheăng ƀă tơrŭm păng ‘nâng ƀă kuăn pơlê.