Pôa Võ Văn Thưởng rơkâu kơ jâ Claudia Arpachâ rah xo pro Kăn xiâm hnê ngăn Kuô̆k hô̆i râ má môi Áo. Tối phiu ro lăm pôu khât Áo a pơla tơdroăng tơrŭm cheăng péa tơnêi têa dế mơnhông tơ ƀrê, pôa Võ Văn Thưởng, Kăn xiâm hnê ngăn tơnêi têa tối Việt Nam đi đo nhuốm mơnhông ƀă mơ-eăm mơdêk tơrŭm cheăng ƀă Áo, mơnê hiăng tơmâng, veăng kum dêi Kuô̆k hô̆i râ má môi Áo ƀă tơdroăng tung pơla mơnhông cheăng kâ - rêh ối ƀă tơrŭm lâp plâi tơnêi dêi Việt Nam.
Vâ mơdêk tơrŭm krá pơla péa tơnêi têa, pôa Võ Văn Thưởng pơkâ thế péa pâ mơdêk tơpui tơno tơrá mâu kăn rêm râ vâ mơdêk loi nhoăm kal kí, pro tơ’lêi ăm tơdroăng tơrŭm pơla péa pâ, krá tâ nếo a mâu hneăng hôp dêi mâu kăn Kuô̆k hô̆i tung kơpong ƀă lâp plâi tơnêi. Việt Nam vâ pro kông tơdjêp hnan thế mơdêk tơrŭm pơla Kuô̆k hô̆i Áo ƀă Hô̆i đong Tơrŭm cheăng ASEAN.
Viết bình luận