Tiô pơkâ, klêi kơ’nâi xing xoăng, lâp tơnêi têa kô ai 34 to tíu pêi cheăng râ kong pơlê, tung mê ai 6 to pơlê kong kân ối tung Tơnêi têa ƀă 28 to kong pơlê. Hên mâu kăn tối tiah kố, tơdroăng xing xoăng tíu pêi cheăng râ kong pơlê rôh kố ôh ti xê kơdroh râ ki adế cho râ tơring vâ kơ koan cheăng tơkŭm po tro tâ, mê ối pro tơnêi tơníu tíu pêi cheăng mơnhông tŭm rơdêi, tơkŭm ki rơdêi kơpong (tá kơpong kong ngo ƀă kơpong têa kơxĭ).

Tiô hnê mơhno dêi Khu xiâm pơkuâ tơdroăng kal kí, sap ing hâi lơ 1/7 la ngiâ, kô xúa tíu pêi cheăng nếo, ƀă túa pơkâ khu kăn pơkuâ 2 râ (cho râ kong pơlê ƀă râ cheăm). Chin phuh hiăng tối rơdêi kố ôh ti xê to vêh tơrŭm kơ koan cheăng, mê ối cho rôh vâ pơhlêh nếo, mơdêk rơkê ivá pơkuâ ngăn, pro chiâng tơdroăng ki rơdêi; ‘na xoăng râ, xoăng hnoăng ƀă thăm mơnhông tơdroăng pêi pro xêh, chiu pôu râng dêi khu kăn pơkuâ kong pơlê.