VOV4.Sêdang - Mơ’nui măng t^ng hdrối, a Pơlê kong kân Đà Nẵng, pôa Nguyễn Xuân Phúc, Ngế pro xiâm hnê ngăn hiăng troh lăm pôu, pêi cheăng [ă mâu kăn pơkuâ ngăn kong pơlê, pơlê kong kân a mâu tíu ki pêi cheăng kâ kân xiâm dêi Tơdế tơnêi têa [ă Tây Nguyên ‘na hnoăng cheăng mơnhông pêi cheăng kâ - rêh ối pơlê pơla, ki rơhêng vâ tối cho tơdroăng ki ăm mung liăn vâ mơjiâng pro tơmeăm khoăng tơchôam. Rơtế veăng pêi cheăng amê, ai pôa Trương Hòa Bình, Ngế pro xiâm pho\ hnê ngăn, pôa Phạm Bình Minh, Ngế pro xiâm pho\ hnê ngăn mâu kăn dêi rêm khu râ, kơvâ cheăng; khu kăn dêi 12 to kong pơlê ki pêi cheăng kâ, mâu khu mơdró kâ ki ai liăn hên. Tơpui a roh hôp mê, Ngế pro xiâm hnê ngăn hiăng pơkâ thế mâu kăn pơkuâ ngăn mâu kong pơlê athế hbrâ rơnáu pêi pro mâu tơdroăng cheăng vâ po hneăng hôp kân Đảng la xuân athế pơtối tô tuăn vâ mơnhông tơdroăng rêh kâ ối dêi kuăn pơlê; kơhnâ khât tung tơdroăng pơkuâ ngăn, pơkâ thế, ôh tá xâu tơdroăng ki lơ pro khéa tuăn hiâm dêi pó tung hneăng hôp kân.