VOV4.Xơ Đăng - Hâi lơ 2/2, hdrối vâ troh Têt Giáp Thìn 2024, Kăn xiâm hnê ngăn tơnêi têa Võ Văn Thưởng hiăng lăm pôu, séa ngăn tơdroăng cheăng hbrâ vâ tơplâ dêi Kŏng an Pơlê kong kân Hồ Chí Minh, lăm pôu, rơkâu Têt ăm mâu ngê̆ sih, mâu ngế rơkê tung pơlê kong kân.

VOV4.Xơ Đăng - Drêng rôh Têt Lo hơnăm nếo Giáp Thìn, Tơbâ 94 hơnăm hâi mơjiâng Đảng, a hâi lơ 2/2, Kăn xiâm hnê ngăn Kuô̆k hô̆i Vương Đình Huệ hiăng pôu ƀă rơkâu Têt kăn ƀô̆, lêng Mố đô̆i gâk tơkăng kong.

VOV4.Xơ Đăng - Tối tơbleăng a leh diâp pri Búa liềm Vàng rôh má 8, Ngế pro xiâm hnê ngăn tơnêi têa Phạm Minh Chính tối nhên, thế tơmâng nhoăm ƀă mơdêk rơdêi tâ nếo tơdroăng cheăng ‘mâi rơnêu Đảng tung tŭm tơdroăng.

VOV4.Xơ Đăng - Rêm ngế sinh viên, đoân viên droh rơtăm kô cho môi ngế “teăng mâ” ki tơbleăng mâu tơdroăng kơnía git túa lĕm tro ton nah ƀă túa vêa vong hdroâng kuăn ngo troh vâi pú hmâ tung tơnêi têa ƀă kong têa ê. Kố cho tơdroăng tơngah dêi mâu kăn pơlê kong kơdrâm Ƀuôn Ma Thuột, kong pơlê Dak Lak a tơdroăng trâm mâ, khĕn kơdeăn sinh viên, droh rơtăm kuăn ngo ƀă tơdroăng loi tĭng tiô khôp ki tơƀrê hôm hơnăm 2024.

VOV4.Xơ Đăng - Tối tơbleăng a rôh leh, Ngế pro xiâm hnê ngăn tơnêi têa Phạm Minh Chính rơkâu mâu ngế, khu pú hên hiăng veăng chêh ƀă châ kâ Pri hơnăm kố.

VOV4.Xơ Đăng - Kơxê lơ 2/1, Đảng ủy Kơ koan Khu pơtâng tối tơdroăng kal tơnêi têa trâm mâ leh tơbâ 94 hơnăm Hâi mơjiâng Đảng Kŏng san Việt Nam ƀă Leh diâp Medái Đảng.

VOV4.Xơ Đăng – Tung pơla kố, lối chât ngế kŏng nhân a môi tíu pêi cheăng păn mơnăn mơnoâ a tơring Čư̆ Pưh, kong pơlê Gia Lai xuân dế tơkôm ngế ki pơkuâ tíu pêi cheăng mê mơdrếo liăn khế hiăng chĕn ing hên khế hdrối. Têt hiăng vâ troh a chê, tung hiâm mơno mâu kŏng nhân ôh tá tơniăn xếo, la ngế ki pơkuâ tíu pêi cheăng kố xuân tá hâi mơdrếo liăn khế ăm mâu ngế pêi cheăng.

VOV4.Xơ Đăng - Kơxo lơ 1/2, Ngế pro xiâm hnê ngăn Chin phuh Phạm Minh Chính pơkuâ roh hôp Chin phuh khế 1 – khế apoăng dêi hơnăm 2024 vâ tơkŭm tơpui tơno ‘na tơdroăng cheăng kâ – rêh ối pơlê pơla khế 1, mơ’no liăn cheăng tơnêi têa, 3 tơdroăng pơkâ xiâm tơnêi têa ƀă mâu tơdroăng ki xiâm hnê mơhno tung la ngiâ.

VOV4.Xơ Đăng -  Ối lối 1 măng tĭng ‘nôi cho troh Têt Lo hơnăm nếo Giáp Thìn, Khu Mố đô̆i gâk tơkăng kong Dak Lak hiăng ƀă dế hnê mơhno mâu đông mố đô̆i gâk tơkăng kong, Tiêuh đoân Hnê hriâm – Kơ đô̆ng pơtroh khu lêng ƀă túa pơkâ hbrâ rơnáu tơplâ rak vế hnoăng pơkuâ gâk kring tơkăng kong tơnêi têa, mơdât mâu tơdroăng ki mot lo ôh tá tro luât ƀă plâ mơdât mâu khu ki pro xôi tíu tơkăng kong vâ Kuăn pơlê ro Hơngui tơdah Têt.

VOV4.Xơ Đăng - Kơxo lơ 1/2, a Hà Nội, Kăn xiâm hnê ngăn tơnêi têa Võ Văn Thưởng troh pôu, pei cheăng ƀă Grup pơkuâ Công nghiệp-Viễn thông Quân đội (Viettel).