Klêi kơ’nâi tâng tối ai mâu “Rơxế xơrô liăn’’ a Dak Lak dế xo tơmeăm kuăn pơlê gum ăm vâ chơ pơtroh ăm kuăn pơlê ki dế trâm pá klêi kơ’nâi khía kân kơxô̆ 3 plong mot pro, Ngế droh lĕm Việt Nam 2017 H’Hen Niê ƀă rơpŏng hngêi hiăng xo dêi phái rơpŏng hngêi ai ki nếo nếo klêi pôe dêi báu pơtroh ăm kuăn pơlê kơpong tro têa lân lu. Lối 7 tă phái klêi uâ, tâ tung mâu kơxâk kŭn 5 kg pơtroh ăm rơxế chơ ăm mâu kong pơlê peăng kơnhŏng tung kơmăng hâi lơ 10/9.

Ngế droh lĕm H’Hen Niê ăm ‘nâi,  xua dế ai rôh lăm cheăng a Ninh Thuận mê ôh tá châ veăng pêi tơdroăng tŏng gum a pơlê Dak Lak. Nâ rơ- rêk tung hiâm drêng hlo rêm ngế tung rơpŏng hngêi ƀă nhŏng o tung pơlê hiăng veăng tâ phái, chơ phái ing hngêi a tơring Čư̆ Mgăr lam troh a pơlê kong kơdrâm Ƀuôn Ma Thuột teăm tơdrêng.

Hdrối mê, H’Hen Niê xuân hiăng veăng gum 100 rơtuh liăn tâ tung tài khoản ki veăng gum dêi Tíu xiâm Măt trâ̆n tơnêi têa Việt Nam vâ gum kuăn pơlê kơpong tro têa luô.