VOV.Bahnar – Oei pă minh ƀar năr dơ̆ng noh hloh 35.500 hŏk tro dêh char Đăk Lăk gô mơ̆t pơlong đĭ 'măng khuă lăm 12 sơnăm 2026. Đơ̆ng dôm lăm hŏk ưh đei huach jên truh tơdrong hơlen lăng lăm, pơhrăm bơngai jang păng keh đang dôm tơdrong pơgơ̆r pơlong, tôm hơnih jang pơtho pơhrăm tơ̆ tơring tŏk bŏk oei keh đang gah tơdrong hơmŏ mă hơtuch luch, yak truh minh tơdrong pơlong sơđơ̆ng, tơnăp păng pơm trong hiôk hloh ăn bơngai pơlong.

VOV.Bahnar – Đơ̆ng rŏng kơ tơdrong hop akŏm đơ̆ng Hơnih tơm ming man păng Khŭl kơdră kơpal kơ dôm dêh char Gia Lai, Đăk Lăk, Lâm Đồng gah trong asong ming man jăl trong kơdou hrĕnh Pleiku – Buôn Ma Thuột – Gia Nghĩa, tơdrong pơjing minh jăl trong 'nao kơdou hrĕnh pơtoi Tây Nguyên tŏk bŏk hơvơn đei lơ tơdrong gô chang đơ̆ng jơnŭm pơgơ̆r tơring păng kon pơlei.

VOV.Bahnar - Thủ tướng Teh đak bơ̆n Lê Minh Hưng 'nao sơng Ƀô̆ trương Jang tơbôl Téte António ƀơ̆t 'măng năm tơmang kơpal truh Việt Nam.

VOV.Bahnar – Kơsơ̆ 'năr brei (4/6), Tổng Bí thư, Kơdră teh đak bơ̆n Tô Lâm pơgơ̆r tơdrong pơm jang hăm Jơnŭm Tơchơ̆t tơgŭm, tơlĕch trong jang Trung ương păng rim hơnih jang đei tơrĕk gah Tơdrong jang tơplih 'nao hơtŏk tơ-iung teh đak gơnơm đơ̆ng trong jang khua hŏk kŏng ngê̆, tơplih 'nao tơchăr gơh hơgei păng tơplih kơmăi kơsô̆.

VOV.Bahnar – 'Năr brei (4/6), tơ̆ hơnih jang kơ Jơnŭm pơgơ̆r teh đak, Phŏ Thủ tướng Hồ Quốc Dũng pơgơ̆r 'măng hop akŏm mă mônh kơ Khul pơm jang kơ Jơnŭm pơgơ̆r teh đak gah hơtŏk trong jang kơmăi kơmŏk păng iŏk jang sơnong hơtŏk trong jang gơh hơgei kiơ̆ Tơchơ̆t đơ̆ng Thủ tướng Teh đak gah pơjao sơnong jang hơtŏk trong jang kơmăi kơmŏk tơchăr hơgei.

VOV.Bahnar – Kơsơ̆ 'năr brei (4/6), Hơnih jang Đảng, jơnŭm pơgơ̆r tơring păng kon pơlei kon kông dêh char Đăk Lăk pơgơ̆r lêh pơdong grong ƀŭ 27 kơting linh păng bơngai juăt jang Việt Nam lôch tang tơ̆ teh đak Campuchia đei Khŭl K51 sir kôch lơ̆m pơyan phang 2025 - 2026.

VOV.Bahnar – Pơgê năr 4/6, Hơnih jang vei lăng kon pơlei phương Xuân Trường – Đà Lạt, dêh char Lâm Đồng hơmet pơtơm Tơdrong jang “Pơyan phang kơsô̆” sơnăm 2026 hăm hơnăn “Tơdrong jang Pơyan phang kơsô̆ atŭm hăm VNeID, pơtho gah kon pơlei kơsô̆, yak hơdoi hăm kon pơlei pơm jang Tơdrong pơkăp 06”.

VOV.Bahnar – Đơ̆ng ‘năr 4 truh ‘năr 6/6, Phó Thủ tướng Phạm Gia Túc chĕp kơ̆l Khul tang măt ăn Việt Nam năm ngôi tơ̆ teh đak Nga păng truh Hop akŏm mŭk drăm apŭng plenh teh Saint Petersburg ‘măng mă 29.

VOV.Bahnar - Năng dơ̆ng sơnăm hŏk âu ki, lơ anih pơtho pơhrăm tơ̆ dêh char Lâm Đồng kơchăng tơlĕch trong jang hrơ̆ch ‘lơ̆ng vă hơnhăk tơmât kơmăy kơmŏk lơ̆m tơdrong pơtho păng vei lăng, hơnhăk ba lơtơdrong đei yoa ‘lơ̆ng. Mă lei, tơdrong tơplih hăm kơmăy sô̆ kŭm oei đei lơ pơmat tat kăl đei hơmet ming 'năi vă dôm hnam trưng gơ̆h jang kiơ̆ roi 'lơ̆ng ƀiơ̆.

VOV.Bahnar - Tổng Bí thư, Kơdră teh đak pơma hơdăh khŭl jang kŏng nhơ̆n ling lang jing bơngai jang hơdrol kơ kach mang Việt Nam, kơtă pơm đei mŭk tơmam păng pơjing mŭk drăm teh đak.