VOV.Bahnar – Lơ̆m 'măng pơdơh Kuô̆k khănh năr 2/9 pơdui đunh 5 năr, kơsô̆ tơmoi truh Khánh Hòa tŏk lơ.

VOV.Bahnar - Hloh 1.100 ‘nu hŏk tro tơring sơlam teh đak Buôn Đôn, dêh char Đắk Lắk, yak mơ̆t lơ̆m sơnăm hŏk 2026-2027 lơ̆m mĭnh pơbŭng hnam teh đak rong ‘me ‘nao, ‘lơ̆ng liĕm păng tôm tong hloh. ‘Nou ưh khan lăp hơnih pơtruh ăn chư, pơhrăm jơhngơ̆m đon mă lei oei jing “pơbŭng hnam atum” rong ‘me tơdrong hơpơi ‘meh vă, chông ba vă rim đe oh tih vơ̆ djơ̆ ‘lơ̆ng.

VOV.Bahnar – 'Năr ou, jơ̆p tơring lơ̆m Teh đak kơbông kơbang hla kơ brê hơnglŏng dreng, tôm kon pơlei Việt Nam chơt hơ-iă sơng năr Têt rơngei hiôk hian – Tơbăt 81 sơnăm Kăch mang khei Tơhngam jơnei keh kong păng Kuô̆k khanh teh đak Cộng hòa xã hội chủ nghĩa Việt Nam (2/9/1945 - 2/9/2026). Bơ̆n atŭm tơƀlŏk dơ̆ng gah tơdrong nuih mơng kơ jơhnơr hơrih kon pơlei teh đak: Đơ̆ng minh teh đak ƀơm teh đak đơ̆ng 'nguaih tơgar, kiơ̆ hla kơ păng tơdrong pơgơ̆r đơ̆ng Đảng cộng sản Việt Nam, tôm kon pơlei bơ̆n hlôi iung tơjră, tơblah tơpăi chăl pơđep pơrăm đơ̆ng khul ayăt tơgar kơnê̆, tơ-iung pơjing teh đak Việt Nam rơngei hiôk hian, teh đak kơ kon pơlei, kơyuơ kơ kon pơlei păng pơm jang ăn kon pơlei

VOV.Bahnar - Thiếu tá Lại Văn Đạt, cán bộ Khul vei sơđơ̆ng tơpôl, Kŏng ang xah Phú Thiện, dêh char Gia Lai tŏk bŏk đei hơtŏk tơroi lơ lơ̆m mạng tơpôl hăm tơdrong jang “Kŏng ang vih tơ̆ pơlei”. 'Nhŏng kơdih hŏk nơ̆r Jarai vă gơh pơma dơnuh hăm kon pơlei lơ̆m rim 'măng năm tơ̆ pơlei tơroi pơtho gah trong tơlĕch jang đơ̆ng Đảng păng Teh đak, atŭm hăm 'noh đei lơ tơmam drăm kăp gĭt asong ăn đe hŏk tro đei tơdrong hơrih tơnap tap gơh đei tôm tơmam drăm hơmŏ ăn sơnăm hŏk 'nao.

VOV.Bahnar - Ƀơ̆t Kuô̆k khănh năr 2/9, kon pơlei rim hơdrung kon kông tơ̆ Tây Nguyên băt hơdah hloh gah tơdrong hơrih roi năr roi đei hơtŏk, jơhngơ̆m đon tơguăt tơguăl kon pơlei kơjăp hloh, lui ngeh hăm tơdrong pơgơ̆r đơ̆ng Đảng păng Teh đak.

VOV.Bahnar - 81 sơnăm đơ̆ng rŏng Kăch mang Khei 8 păng Quốc khánh 2/9, tơdrong kăp gĭt đơ̆ng tơdrong rơngei hiôk hian oei jing jơhngơ̆m pran vă rim jơhnơr bơngai Việt Nam hơnơ̆ng pơjing păng vei lăng teh đak. Tơ̆ Đăk Lăk, jơhngơ̆m pran noh tŏk bŏk đei jang kiơ̆ hăm đon tơnăp păng tơdrong hơpơi ‘mĕh plang pơyơ̆r đơ̆ng chăl mơlôh.

VOV.Bahnar - Dôm năr ou, lơ̆m teh đak bơ̆n rơ ông rơ ang vang vơch tơbăt 81 sơnăm năr Quốc khánh 2/9. Hưch hanh hơmanh bơnê hăm hơyak gĭt kăl chăl sơnăm kơ hơdrĕch hơdrung, rim ‘nu bơngai Tây Nguyên jei ling lang ƀlŏk hơdơ̆r hôn bơnê kơ Ƀok Hô - Kơdră chĕp pơgơ̆r tơm dơnơm đŏk Nơ̆r tơchơ̆t pơm tơm kơdih, pơjing đei teh đak Việt Nam Dân chủ Cộng hòa, dang ei ‘noh teh đak Cộng hòa xã hội chủ nghĩa Việt Nam. Ƀlok hơdơ̆r kơ Ƀok Hô, bơngai Tây Nguyên sa roi tơgăt tơgoăl, đĭ jơhngơ̆m đon hơdrin tơ iung pơjing pơlei pơla roi năr roi tơplih, ‘lơ̆ng liĕm.

VOV.Bahnar - Tơ̆ Gia Lai, hok pơhrăm păng jang kiơ̆ jơhngơm đon ‘lơ̆ng, trong jang gơh hơgei kơ Hồ Chí Minh tŏk bok đei tơlĕch jang kiơ̆ hơdăh hăm dôm tơdrong jang tơjê̆ hăm kon pơlei, kơ yuơ kơ kon pơlei. Đơ̆ng trong jang ou, lơ trong bơ̆jang, tơdrong tơchơ̆t đei tơlĕch jang kiơ̆ trŏ lăp hăm yan ou, pơjing đei lăp đon lơ̆m kon pơlei, tơgop pơtrŭt kơtang mŭk drăm-tơpôl tơring atok tơ iung. Tơ̆ hơla ou dôm tơdrong đei ƀôh hơdăh tơ̆ tơring Ia Hiao, tơring đei dôm kang ƀô̆, đang viên drơ̆ng nơ̆r plang ăn teh, yuih teh dur, pơjing đei drơ̆ng mĭnh nơ̆r, atok kơtang jơhngơ̆m đon kon pơlei vă atok tơ iung.

VOV.Bahnar - Dêh char Đắk Lắk tơlĕch tơdrong jang “30 măng năr” hơlen năng, chih tơbăt lơ̆m kơmăy sô̆ tôm tơdrong păng tơmât kơsô̆ chih răk tơring pơtăm, anih tăh hơmet plei sầu riêng. ‘Nâu ưh khan lăp vă hơmet pơ ‘lơ̆ng dôm tơdrong tơhlăk ƀât măt vă chih tơbăt anih jang đei tơmam đĕch, mă oei jing hơyak tơplih đơ̆ng trong vei lăng so jing vei lăng hăm kơmăy kơmŏk ‘nao ‘moi kiơ̆ kơsô̆ chih răk, vang tơgop pơm hơdăh tơdrong jang kiơ̆ Tơdrong tơchơ̆t 57 đơ̆ng Anih tơm Chinh trĭ găh atŏk tơiung khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ kơ teh đak.

VOV.Bahnar - Khei 8/1945, hlŏh 20 triê̆u ‘nu kon pơlei lơ̆m teh đak mĭnh jơhngơ̆m vang iung tơblăh, pơjing đei tơdrong jơnei đơ̆ng Kăch mang khei 8, pơjing đei teh đak Việt Nam Dân chủ Cộng hòa. 81 sơnăm âu ki, jơhngơ̆m đon ‘nŏh oei đei hơnơ̆ng: đơ̆ng pơjei iŏk tơdrong chĕp kơ̆l truh pơjing khul kơdră pơgơ̆r, đơ̆ng tơblăh iŏk rơngei hơdrĕch hơdrung truh tưk tơiung jơhngŏm đon rơgei, pơjing teh đak Việt Nam pran kơtang, hơnŭk hơnoa. Tơdăh sơnăm 1945, “iung tơblăh” vă iŏk rơngei kơdih, ‘nŏh hrei ‘nâu, ‘nŏh jĭ jơhngâm đon kơchăng tơplih ‘nao, pơ̆n phă hŭt lê̆ dôm tơdrong găn trong, hơnhăk teh đak yak mơ̆t lơ̆m chăl ‘nao.