VOV4.Bahnar- Kơsơ̆ 8/4, hơdrol kơvih tơ̆ teh đak, Khŭl bơ̆jang dŏng tơgŭm kơ Anih tơm vei lăng Kŏng an Việt Nam hlôi pơjao 30 tấn tơmam pơgang, tơmam yua kăl vă tơgŭm teh đak buăl Myanmar hơmet pơ ‘lơ̆ng hiong răm đơ̆ng teh đak tơdrŏ.

VOV4.Bahnar - Kơsơ̆ 8/4 tơ̆ Hà Nội, Tổng Bí thư Tô Lâm truh akŏm păng iung pơma tơ̆ jơ tơƀâp đe kăn ƀô công an vang năm tơblăh tơ̆ tơring Pơbăh sơ̆, ƀlep ƀât tơbăt 50 sơnăm tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng.

VOV4.Bahnar - Tơdrong jang rong rơmo yŏng vă pơyoa ăn tơdrong arih xa kơ kon pơlei tơ̆ xăh Ia Pết, apŭng Đak Đoa, dêh char Gia Lai, đei tơlĕch đơ̆ng sơnăm 2022. Tơdrong jang âu găh Tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông păng tơdrong jang tơm kơ teh đak găh tơjur tơnuh hin kơjăp ‘lơ̆ng, tŏk bŏk đei ƀôh hơnhăk ba tơdrong đei yoa ăn kon pơlei kon kông tơ̆ tơring.

VOV4.Bahnar – Lơ̆m ‘măng năm ngôi tơ̆ teh đak Uzbekinstan, ‘năr 8/4, (kiơ̆ jơ Hà Nội), Kơdră Quốc hội Trần Thanh Mẫn truh pơma đam Khul tĕch mơdro Việt Nam – Uzbekinstan.

VOV4.Bahnar – Kơsơ̆ năr 8/4, tơ̆ Hà Nội, Thủ tướng Phạm Minh Chính năm akŏm Lêh tơbang Hla bar chih sơkơ̆t tơdrong jang đei jơnei lơ̆m jang kiơ̆ Tơchơ̆t tĕch pơdro hiôk hian (FTA Index) kơ dôm tơring ah sơnăm 2024.

VOV4.Bahnar – Tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính pơgơ̆r 'măng hop akŏm mă 3 hăm dôm anih jang tơm gah tơdrong vă tơjră hăm tơchơ̆t iŏk thuê̆ kơjung hloh đơ̆ng teh đak Mi.

VOV4. Bahnar - Lơ̆m dôm năr ou ki, mŭk drăm-tơpôl tơ̆ tơring kon kông dêh char Bà Rịa- Vũng Tàu roi năr roi atŏk tơ iung. Đei đăi lơ lou jĭ gơnơm tơdrong lăng ba đơ̆ng rim khul Đảng, khul kơdră chĕp pơgơ̆r atŭm hăm tơdrong hơdrin yak hloh tơnap tap đơ̆ng kon pơlei, lơ̆m ou đei tơdrong tơgop jơhngơ̆m kơ dôm bơngai đei kon pơlei lui yom. Đe sư ưh khan lăp bơngai jơ̆ng ƀang kơ khul kơdră tơring mă oei jing tơdrong gơnang kơjăp kơ kon pơlei kon kông.

VOV4.Bahnar – Kơmăng 'năr brei (07/04), tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính pơgơ̆r tơdrong Hop akŏm Thủ tướng teh đak hăm dôm Anih jang tơm, Anih jang tang măt ăn Việt Nam tơ̆ teh đak đe, dôm jơnŭm jang tơpôl, anih jang mŭk drăm vă pơđăp gah trong jang pơtrŏ hăm chăl 'nao gah tĕch pơdro lơ̆m apŭng plenh teh.

VOV4.Bahnar - Anih jang Đảng dêh char Đắk Lắk ‘nao pơgơ̆r Hop akŏm Khŭl chĕp kơ̆l pơgơ̆r Đảng bộ dêh char Đắk Lắk ‘măng mă 31 hăm lơ tơdrong gĭt kăl.

VOV4.Bahnar - Pơgê ‘năr 7/4, ƀlep ƀơ̆t năr năm soh nhang Soi kơ ƀok pơtao tơm dơnơm Hùng Vương, Kơdră teh đak Lương Cường hlôi năm ngôi păng pơlung kang ƀô̆, khŭl lĭnh kŏng an Phú Thọ tơ̆ Anih roi tơbăt pơgơ̆r Kŏng an dêh char Phú Thọ pơm tơ̆ Hơnih gru groa jơhnơr hơrih Hnam soi pơtao Hùng.