VOV.Bahnar - Kơsơ̆ năr 16/7, Hơnih bơ̆ jang vei lăng Khoa hŏk păng Kmăi kmŏk dêh char Đăk Lăk iung jang hơdoi hăm Viện Chiến lược (Học viện Chiến lược Khoa học và Công nghệ) pơgơ̆r hop akŏm pơma dơnuh găh trong vă pơjing Tơdrong vă jang "Atŏk tơ iung mŭk drăm kơsô̆ dêh char Đăk Lăk jăl jang 2026 - 2030, lăng truh sơnăm 2045".

VOV.Bahnar – Tơ̆ Nghệ An păng Hà Tĩnh, ƀok Trần Cẩm Tú, jang lơ̆m Hơnih tơm Chĭnh trĭ, juăt jang lơ̆m Ƀan Ƀĭ thư chĕp kơ̆l khul kơpal Trung ương vang akŏm jang pôk bơnê ƀơ̆t tơbăt 79 sơnăm Năr Linh jĭ rơka, linh lôch tang teh đak (27/7).

VOV.Bahnar – Năr 16/7, Khŭl Kơpal kơ ƀar hơnih jang 'noh Hơnih tơm Kŏng ang păng Hơnih tơm vei lăng khŭl linh hlôi chă hơlen tơđrong jang vei sơđơ̆ng tơpôl teh đak, vei sơđơ̆ng tơpôl hơrih xa tơ̆ tơring, tang găn păng tơjră hăm tơdrong pơm yoch glăi păng sơnong jang vei sơđơ̆ng tơpôl tơ̆ Đăk Lăk.

VOV.Bahnar - Kơdră chĕp kơ̆l Jơnŭm pơgơ̆r kon pơlei dêh char Đắk Lắk ‘nao pơgơ̆r hôp giao ban đơ̆ng Kơdră chĕp kơ̆l Jơnŭm pơgơ̆r kon pơlei dêh char hăm Kơdră chĕp kơ̆l Jơnŭm pơgơ̆r kon pơlei dôm xăh, phường ‘măng mă mônh, jăl jang đơ̆ng 2026-2031. Hop akŏm hơlen năng dôm tơdrong jang đei lơ̆m 6 khei blŭng sơnăm, pơma tơƀôh dôm tơdrong pơmat tat, tơhlăk tăk đơ̆ng rŏng bơ̆ jang kiơ̆ trong Khul kơdră pơgơ̆r tơring 2 tăl, atŭm hăm ‘nŏh tơlĕch dôm trong jang vă hơtŏk tơdrong ‘lơ̆ng, đei yoa mưh bơ̆ jang đơ̆ng Jơnŭm pơgơ̆r kon pơlei tơ̆ hơnăp kơnh.   

VOV.Bahnar – Bơ̆ jang tơdrong jang 500 măng năr sir chă, dônh akŏm păng chih hơdăh hơnăn linh lôch tang ăn teh đak, dêh char Lâm Đồng oei tơlĕch jang sir iŏk kơmẫu kơting tơ̆ pơsat linh lơ̆m dêh char vă chih hơdăh hơnăn linh lôch tang ăn teh đak.

VOV.Bahnar - Kơsơ̆ brei, 16/7, tơ̆ Anih pơvih ăn Kơdră teh đak, Phŏ Kơdră teh đak bơ̆n yă Võ Thị Ánh Xuân tơƀâp khul tang măt ăn đe hơioh vang truh akŏm lơ̆m tơdrong jang “Oh ‘mêm teh đak Việt Nam”.

VOV.Bahnar - Pơgê năr (16/7), tơ̆ Hơnih tơm Rapor pơre nơ̆r kơ Teh đak, kơsô̆ 58 Quán sứ, Hà Nội, Đảng uy kơ dôm hơnih jang Đảng Trung ương pơm Lêh pơjao tơmam hơpah ăn tơdrong pơlong Chĭnh luâ̆n gah Vei vêr đon tơchĕng trong jang 'lơ̆ng kơ Đảng sơnăm 2026 lơ̆m Đảng ƀô̆ dôm hơnih jang Đảng Trung ương.

VOV.Bahnar – Kơtơ̆ng ang tơroi ah hop akŏm hla bar tơroi pơgê năr (16/7), Hơnih jang vei lăng kon pơlei dêh char Đăk Lăk ăn tơbăt, kiơ̆ Tơchơ̆t 1088 đơ̆ng Hơnih tơm Ming man, jăl trong kơdou hrĕnh Pleiku - Buôn Ma Thuột - Gia Nghĩa đei kơsô̆ hơtaih hloh 260 km hlôi đei hơmet khei năr man keh đang hơdrol kơ sơnăm 2030.

VOV.Bahnar - ‘Năr (16/7,) tơ̆ Mộc Châu, Tổng Bí thư, Kơdră teh đak Tô Lâm pơgơ̆r jơ bơ̆jang hăm Khŭl kơdră chĕp kơ̆l Anih jang Đảng dêh char Sơn La găh tơdrong bơ̆jang kiơ̆ Tơdrong tơchơ̆t Hop akŏm XIV kơ Đảng, Tơdrong tơchơ̆t Hop akŏm Đảng bộ dêh char ‘măng mă XVI păng dôm trong jang, tơdrong tơchơ̆t tih đơ̆ng Trung ương.

VOV.Bahnar - Ƀơ̆t tơbăt 79 sơnăm Năr Linh jĭ rơka – Linh lôch tang ăn teh đak, ah 'năr brei (16/7), Thủ tướng Lê Minh Hưng năm hơpong ngôi, asong tơmam tơ̆ Hơnih rong 'me hơmet jĭ ăn Linh jĭ rơka Kim Bảng.