VOV.Bahnar – Kơmăng hei (15/3), kơsô̆ bơngai tăh hla năm pôk rơih bơngai tang măt Quốc hội jăl XVI păng Bơngai tang măt Jơnŭm pơgơ̆r kon pơlei jơ̆p tơring jăl jang đơ̆ng 2026–2031 tơ̆ dêh char Lâm Đồng đei 99,66%.

VOV.Bahnar - Kiơ̆ roi tơbăt đơ̆ng Anih pơgơ̆r Pôk rơih dêh char Đắk Lắk, lơ̆m dêh char đei vă jê̆ 2,3 triệu ‘nu bơngai tăh hla vang pôk rơih. Jô̆ truh 7 jơ kơ măng ‘năr 15/3, kơsô̆ bơngai tăh hla năm tăh kơphiê̆u đei hloh 99,9%.

VOV.Bahnar – ‘Năr 15/3, tơdrong kơtơ̆ng ang lơ̆m apŭng plenh teh vang chih tơroi tôch hơlen găh tơdrong pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring jăl jang đơ̆ng 2026 - 2031, chih hơdăh ‘nâu jĭ tơdrong jang chinh trĭ gĭt kăl đei pơgơ̆r ƀât mă teh đak Việt Nam oei hơnơ̆ng tưk tơiung dôm tơdrong jang tŏk mŭk drăm tơpôl ăn chăl ‘nao.

VOV.Bahnar - Kơsơ̆ 15/3, ƀok Lê Hoài Trung, Kơdră tơm jang tơbôl hlôi pơgơ̆r pơma dơnuh tơdrong jang gĭt kăl hăm ƀok Vương Nghị, Kơdră Anih tơm jang tơbôl Trung Quốc ƀlep ƀơ̆t 2 teh đak pơgơ̆r ‘Măng hop akŏm ‘măng mă 17 Anih pơgơ̆r jang hơdai 2 pang păng Hop akŏm ‘măng mă mônh Pơma dơnuh tơdrong jang gĭt kăl tơ̆ Kơdră tơm jang tơbôl, Khŭl lĭnh, Kŏng an Việt Nam - Trung Quốc. 

VOV.Bahnar - Kơmăng hei (15/3), Jơnŭm pơgơ̆r pôk rơih Teh đak tơlĕch roi tơbăt hăm khŭl chih kơtơ̆ng ang găh tơdrong pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring jăl jang 2026-2031 lơ̆m teh đak.

VOV.Bahnar

VOV.Bahnar - Dôm tơdrong kơhret, tơblăh vang tơ̆ tơring Trung Đông khei ‘năr tơjê̆ âu oei ƀơm ưh ‘lơ̆ng truh tơdrong jang mŭk drăm lơ̆m plei teh, mă loi ‘nŏh găh unh hơyuh, chơ chuĕn tơmam tơ̆ trong đak dơsĭ păng tơdrong pơtruh tơmam lơ̆m apŭng plenh teh. Kơplăh ‘noh, dôm teh đak jang mŭk drăm hiôk hian hơnơ̆ng đei tơdrong pŭ kơhret tih. Hăm Khánh Hòa, tơring đei tơdrong pran ‘lơ̆ng găh jang mŭk drăm tơ̆ đak dơsĭ, chă tơmang lăng păng tĕch tơmam tơ̆ teh đak đe dôm tơdrong ƀơm ưh ‘lơ̆ng đơ̆ng ‘ngoăih kŭm tơlĕch lơ tơdrong nol hăm tơdrong jang xa, tĕch mơdro păng đon pơhnŏng jang tŏk đơ̆ng dêh char lơ̆m sơnăm 2026.

VOV.Bahnar - Hnam pơgang Đa khoa tơring Tây Nguyên, anih jang pơgang tih hloh tơring hlôi jang đang dôm tơdrong hơmet ăn vă vei sơđơ̆ng năr pôk rơih 15/3 pơgơ̆r ‘lơ̆ng hiôk, trŏ tơdrong hơgăt. Hăm tơdrong hpdrôư đơ̆ng anih jang pơgang, kơhrĕng kang ƀô̆, y ƀak si, bơngai jang kŭm hăm bơngai jĭ păng bơngai ŭnh hnam gô vang tăh kơphiê̆u kơtă hloi tơ̆ hnam pơgang. Hăm dôm bơngai jĭ ưh kơ gơh chă rơ rĭ, Grŭp pôk rơih gô hơnhăk ba kơthŭng năm truh tơ̆ giơng bơngai jĭ, vei sơđơ̆ng rim bơngai adoi bơ̆jang kiơ̆ tơdrong jang păng hơnăp jang kơ kon pơlei.

VOV.Bahnar - Dôm năr ‘nâu, dôm tơring lơ̆m dêh char Khánh Hòa akŏm jơhngâm krao hơvơn bơngai tăh hla năm pôk rơih, chă hơlen năng tơdrong hơgăt mưh pôk rơih, hơlen năng hơnăn dôm bơngai lĕch pơjei, tơdrong arih, bơ̆ jang păng tơdrong vă jang đơ̆ng dôm bơngai lĕch pơjei. Đơ̆ng hơtŏk hơnăp jang bơngai đei kon pơlei lui yom lơ̆m kon pơlei Chăm, roi tơbăt  hăm nơ̆r Raglai tơ̆ tơring groi kông truh iŏk yoa kơmăy kơmŏk vă chă hơlen năng rim tơdrong tơroi, lơ trong jang rơgei, tôch hơiă tŏk bŏk tơgŭm ăn bơngai tăh hla chă rơih đei bơngai tang măt rơgei, đei đon ‘lơ̆ng vă dơ̆ng tang ăn kon pơlei.

VOV.Bahnar - Atŭm hăm kon pơlei tah hla jơ̆p teh đak, kon pơlei tah hla dêh char Lâm Đồng tŏk bŏk chơt hơ-iă lăng truh Năr pôk rơih kơ teh đak – năr pôk rơih bơngai tang măt Kuô̆k hô̆i jăl 16 păng bơngai tang măt Hô̆i đŏng kon pơlei dôm jăl jang, sơnăm 2026 - 2031 đei pơgơ̆r ah ‘năr tơpơh năr 15/3. Đơ̆ng tơring đak dơsĭ truh groi kông, đơ̆ng tơring kon pơlei oei xa truh hnam trưng đăi hŏk, tơdrong hơmet ăn năr pôk rơih tŏk bŏk oei pơlan să hăm sơnong jang tơnăp, đon lui păng tơdrong hơpơi ‘meh đơ̆ng kon pơlei hăm rim bơngai tang măt ăn kon pơlei, iŏk sơnong jang trăp hloh lơ̆m jăl jang ‘nao.