VOV.Bahnar - Drou khei blŭng sơnăm, mŭk drăm - tơpôl dêh char Khánh Hòa chih iŏk lơ jơnei ‘lơ̆ng, thu mong jên jang đei vă jê̆ 28.000 ti hlak jên kŭm hăm lơ tơdrong hơgăt gĭt kăl păng hloh trong jang. Mă lei, hơdai hăm dôm tơdrong đei ƀôh ‘lơ̆ng, lơ bơngai tang măt Jơnŭm pơgơ̆r kon pơlei dêh char akhan Khánh Hòa kăl kơ jăh tơ jur tơdrong pơmơ̆ng lơ̆m iŏk yua đơ̆ng teh, pơm tơdrong ‘lơ̆ng jang tŏk đơ̆ng pơm tơlĕch, tĕch mơdro, tơmơ̆t jên jang ăn vei lăng sơđơ̆ng tơpôl.

VOV.Bahnar - Tơbăt 80 sơnăm Năr Khul linh vei lăng sơđơ̆ng ăn kon pơlei (12/7) ƀlep ƀât Năr unh hnam Việt Nam (28/6), tơ̆ phường Quy Nhơn, dêh char Gia Lai, Anih tơm vei lăng Công an pơgơ̆r pôk pơ ư 58 unh hnam Công an rơgei đơ̆ng 2021-2026.

VOV.Bahnar - Đơ̆ng nơ̆r kon pơlei tơroi, Khul K51, Anih chĕp kơ̆l pơgơ̆r khul linh dêh char Đắk Lắk jang hơdoi hăm khul kơdră tơring, khul linh xăh Krông Bông hlôi sir chă đei 2 kơ̆l linh lôch tang ăn teh đak tơ̆ tơring kông Đá Đen, hơla jơ̆ng kông Chư Yang Sin. Tơdrong 'nâu hơnơ̆ng tơƀôh hơdăh tơdrong đei yoa đơ̆ng đon lui kơ kon pơlei mưh sir chă, pôi akŏm kơting linh lôch tang ăn teh đak.

VOV.Bahnar - Khul jang đơ̆ng Anih tơm vei lăng choh jang xa păng cham char yoa Phŏ kơdră Nguyễn Hoàng Hiệp chĕp kơ̆l hlôi bơ̆ jang hăm Anih vei lăng kon pơlei dêh char Đắk Lắk păng dôm dêh char Tây Nguyên vă hơmet ming dôm tơdrong pơmat tat mưh tĕch sầu riêng tơ̆ teh đak đe adrol kơ pơyan phĕ sơnăm 2026.

VOV.Bahnar - Kơsơ̆ brei 9/7, Phó Thủ tướng Hồ Quốc Dũng bơ̆ jang hăm Anih pơgơ̆r jang tang găn sar bar kơ kon pơlei lơ̆m teh đak, bơngai tang măt ăn dôm anih tơm, anih jang kơpal, anih jang đei ƀơm truh găh tơdrong tang găn sar bar, hơmet pơ ‘lơ̆ng hiong răm đơ̆ng tŏ ‘mi kial kơnê̆ sơnăm 2026.

VOV.Bahnar - Lơ̆m 6 khei blŭng sơnăm ‘nâu, chă tơmang lăng hơnơ̆ng jing tơdrong jang tŏk pran ‘lơ̆ng tơ̆ dôm dêh char Đăk Lăk, Gia Lai mưh kơsô̆ tơmoi păng jên đei iŏk yoa lơ hlŏh kơsô̆ tơlĕch.

VOV.Bahnar – Pơm kiơ̆ Pơkăp jang "500 măng năr hơtŏk kơtang tơdrong chơ chă, kôch akŏm păng sơkơ̆t hơdah hơnăn măt hăm kơtinh linh lôch tang", dêh char Quảng Ngãi hlôi akŏm đei 19 kơting linh lôch tang, iŏk hloh 2.600 kơcheh kơting vă 'măn ăn tơdrong hơlen ADN sơkơ̆t hơdah hơnăn măt linh lôch tang.

VOV.Bahnar - Pơgê 9/7, Thủ tướng Lê Minh Hưng pơgơ̆r hop akŏm ‘măng mă blŭng Anih pơgơ̆r jang kơ Trung ương bơ̆ jang dôm tơdrong jang tơm kơ teh đak đơ̆ng rŏng kơ hơmet pơ ‘lơ̆ng.

VOV.Bahnar - Pơgê 9/7, tơ̆ phường Buôn Ma Thuột, dêh char Đắk Lắk, Anih vei lăng tơdrong lui khop kơ Khul kơdră teh đak (găh Anih tơm vei lăng hơdrĕch kon kông păng tơdrong lui khop) pơgơ̆r hop akŏm roi tơbăt, pơtho tơƀôh tơdrong tơgŭm, khôi luơ̆t găh tơdrong lui khop.

VOV.Bahnar - Pơgơ̆r 'măng pơm jang hăm hơnih jang Nô̆i vŭ gah tơdrong hơtŏk 'lơ̆ng bơngai jang Việt Nam, trong tơlĕch vă asong tơdrong jang kơjăp sơđơ̆ng tơ̆ tơring pơsĕl, tơring kơdrơ̆m, tơring kon pơlei kon kông, Tổng Bí thư, Kơdră teh đak bơ̆n Tô Lâm ră hơdah: trong tơlĕch jang tơnăp đơ̆ng Đảng păng Teh đak 'noh asong tơdrong jang kơjăp sơđơ̆ng tơ̆ tơring kon pơlei kon kông tơguăt hăm tơ-iung jơhngơ̆m pran lơ̆m tơring, tơjur hin dơnuh kơjăp sơđơ̆ng păng vei răk tơƀăk mong joh ayŏ.