Tổng Bí thư, Kơdră teh đak Tô Lâm lăng ‘lơ̆ng dôm tơdrong tơgop đơ̆ng ƀok Dmitry Medvedev hăm tơdrong hơtŏk tơiung kơ teh đak Nga păng tơdrong pơvei tơbôl joăt joe. Jang hơdai gĭt kăl tôm tơdrong  Việt Nam - Nga.

Pơma hơdăh Việt Nam ling lang lăng ‘lơ̆ng tơdrong tơgŭm đơ̆ng Liên Xô hơdrol sơ̆ păng Liên bang Nga hrei ‘nâu, Tổng Bí thư, Kơdră teh đak Tô Lâm athei 2 Đảng hơnơ̆ng hơtŏk hơnăp jang ‘lơ̆ng ăn tơdrong pơvei 2 pang; hơtŏk loi dơ̆ng pơma dơnuh khŭl, pơma dơnuh lý luận păng vang tơgŭm băl tơdrong hlôh vao găh pơjing Đảng, vei lăng teh đak, hơtŏk tơiung mŭk drăm - tơpôl păng tơplih kơsô̆. 2 pah drơ̆ng nơ̆r pơtrŭt jang hơdai lơ̆m rim tơdrong jang unh hơyuh, đak dâu, khoa hŏk - kơmăy kơmŏk, tơplih ‘nao, kơmăy hơgei, pơtho pơhrăm, logistics păng tơƀơ̆p pơma dơnuh đơ̆ng kon pơlei.