Tơ̆ dôm hơnih tơƀơ̆p pơma dơnuh, tang măt Khŭl bơngai tang măt Quốc hội dêh char Đắk Lắk roi tơbăt tơchĕng hơdrol tơdrong jang ‘măng hop akŏm, hăm lơ tơdrong jang pơjing khôi luơ̆t, set hơlen tơdrong mŭk drăm - tơpôl, jên jang teh đak sơnăm 2026 păng tơchơ̆t dôm hơnăp jang sơnăm 2027. Bơngai tăh hla dôm phường Thành Nhất, Ea Kao păng xăh Hòa Phú, găh anih jang pôk rơih kơsô̆ 3, athei dôm anih jang kơpal hơtŏk loi dơ̆ng trong jang vei sơđơ̆ng tơpôl, mă loi ‘noh jĭ tang găn pơm glăi kơmăy kơmŏk kơsô̆ tŏk bŏk đei ƀôh krê hơmơt.

Bơngai tăh hla kơ dêh char Đắk Lắk kŭm roi tơbăt tơdrong hơmet pơ ‘lơ̆ng hla ar teh tơ̆ 1,2 tơring oei pơdui đunh, tơdrong pơvih pơvăn ăn kon pơlei tam mă ‘lơ̆ng; athei bơngơ̆t truh tơmơ̆t jên jang tơplih ‘lơ̆ng cham char, trong nơnăm, trong jang tơgŭm hăm kang ƀô̆ pơlei păng hơtŏk ‘lơ̆ng kơsô̆ tơgŭm ƀao hiêm pơgang ăn bơngai kră.