Tơdrong hơiă tơ̆ tơdrong jang 'noh jĭ Lêh tơlĕch jang pơlong năng 4 tơdrong jang "Lăm pơtho hŏk kơmăy sô̆ ăn kon pơlei", đei: "Bơngai yoa kơmăy sô̆ rơgei", "Pơlei, kueng kơphô̆ rơgei", "Tơring tơrang jang hăm kơmăy sô̆ - Pơm pơdrŏng đơ̆ng kơmăy kơmŏk" păng "Pơlei, kueng kơphô̆ jang kiơ̆ kơmăy sô̆ - tơring kon pơlei kon kông".

Tơdrong jang âu hue lăng truh tơdrong tơm ‘nŏh pơtho tơƀôh kơmăy sô̆, tơgŭm kon pơlei tơ̆ tơring hơtăih yăih păng kon pơlei kon kông kơchăng iŏk yoa kơmăy kơmŏk, pơm hla ar trư̆k tuyê̆n păng hơtŏk tơdrong jang xa. Găh noh dơ̆ng, tơdrong jang oei pơgơ̆r hop akŏm khoa hŏk, pơma nuh găh tơdrong iŏk yoa kơmăy kơmŏk 'nao, kơmăy kơmŏk rơgei, kơmăy AI, chih hơdăh anih jang đei lơ̆m tơdrong pơm hơtŏk kơjă ka hơdang, kŭm hăm pơm Anih pơdă tơƀôh, roi tơbăt lơ trong jang, tơmam kơmăy kơmŏk 'nao rơgei.