Sơkơ̆t hơdah tơdrong jang hơdoi oei tih tên, dêh char Lâm Đồng 'meh hơnhăk tơdrong jang ka hơdang, kaphê, plei 'long xa păng lơ hơdrĕch 'nhot vă pơm tơlĕch lơ tơmam drăm xa păng tĕch ăn teh đak Hàn Quốc. Atŭm hăm noh tơplih đơ̆ng tĕch răt tơmam drăm jing jang hơdoi hăm tơdrong pơkăp kơjung hloh.

Hơnih jang mŭk drăm Hàn Quốc gô asong jang pơtăm đei tơmam drăm, pơm tơlĕch păng vei lăng, tah 'nŭng, hơlen băt tơm a la chă păng pơjing hơnăn kơdih vă pơm jang đei jơnei tơring pơtăm tơmam drăm să kơ dêh char Lâm Đồng. Dang ei, dêh char Lâm Đồng đei 37 tơdrong jang đei asong jang đơ̆ng Hàn Quốc hăm kơsô̆ jên chih măt hloh 279 triu đôlar. Lơ̆m  9 khei kơ sơnăm 2026, kơjă mă Lâm Đồng tĕch ăn teh đak Hàn Quốc đei jơnei hloh 56 triu đôlar. Kơjă tơmam drăm răt tơmơ̆t đơ̆ng Hàn Quốc tơ̆ Lâm Đồng đei 7,8 triu đôlar.