Lơ̆m dôm tơdrong vă jang iŏk yoa kon jên bơ̆ jang tơring, 6 tơdrong vă jang tim mă tơlĕch kon jên jang ayơ. Rŏ năng kăl tơroi truh tơdrong vă jang tơ iung pơjing kmăi kmŏk yưh lĭu kơsô̆ pơvih pơvăn ăn chĕp pơgơ̆r, pơrô̆ jang vei lăng sơđơ̆ng đei pơjao ăn 944 triu hlak jên; tơdrong vă jang ư̆ng yŭng IoT lơ̆m tơ iung pơjing ming man, trong nơnăm gơh hơgei đei pơjao ăn hloh 1 ti 200 triu hlak jên; tơdrong vă jang tơlĕch jang kmăi kmŏk tơgŭm djru păng kmăi kmŏk hop akŏm ưh kơ đei hla bơar jei tim mă tơlĕch kon jên jang. Kơdră chĕp pơgơ̆r Hơnih vei lăng kon pơlei dêh char Đắk Lắk Đỗ Hữu Huy athei rim hơnih jang tĕnh koăng pơm pơkeh hla bơar, sơkơ̆t hơdăh hơnăp jang, tơdrong iung jang kơ tơdrong vă jang dang yơ; adoi pơdreo kon jên jang ưh kơ đei iŏk yoa hơdrol năr 15/9.