Kiơ̆ Tơdrong tơchơ̆t đơ̆ng Thủ tướng Tĕh đak, Anĭh vei lăng dôm tơring jang mŭk drăm păng dôm tơring jang kơmăy Đăk Lăk đei pơjing 'moi kiơ̆ đơ̆ng tơmât hơdai Anĭh vei lăng tơring jang mŭk drăm Phú Yên, Anih vei lăng dôm tơring jang kơmăy dêh char Đăk Lăk păng Anĭh vei lăng tơring chŏh jang sa hăm kơmăy rơgei Phú Yên.

Tơ̆ hop akŏm, Anĭh vei lăng kon pơlei dêh char Đăk Lăk oei roi tơbăt tơdrong tơchơ̆t pôk hơtŏk 9 'nu kăn ƀô̆ chĕp kơ̆l iŏk jang dôm kơchư̆k chĕp kơ̆l lơ̆m Anih vei lăng. Ƀok Huỳnh Lữ Tân, Kơdră Anih vei lăng Tơring jang mŭk drăm Phú Yên, đei pôk pơm Kơdră Anih vei lăng dôm Tơring jang mŭk drăm păng dôm Tơring jang kơmăy Đăk Lăk.

Kơdră Anih vei lăng kon pơlei dêh char Đăk Lăk Đỗ Hữu Huy athei Anih vei lăng jăh hơmet pơ 'lơ̆ng khul jang, pơm 'lơ̆ng vă tơdrong jang huei tơhlăk; atŭm hăm 'nŏh hơtŏk hơnăp jang mưh vei lăng, sơng iŏk jên jang, tơgŭm ăn anih tĕch mơdro păng hơtŏk tơdrong đei yoa mưh jang xa đơ̆ng dôm tơring jang mŭk drăm, tơring jang kơmăy, tơring choh jang xa hăm kơmăy kơmŏk 'nao lơ̆m dêh char.