Phŏ Kơdră teh đak Võ Thị Ánh Xuân hlôi asong 210 tơpu tơmam Trung thu ăn dôm hơ ioh tŏk bŏk hơmet jĭ, hơmet pơ 'lơ̆ng jơhngơ̆m jăn dêh char Tuyên Quang; hơdai hăm pơjao asong ăn Hnam pơgang 200 triu hlak jên. Apĭnh jet gia, pơlung đe hơ ioh jĭ, hơ ioh jo jăn, Phŏ Kơdră Teh đak Võ Thị Ánh Xuân pơtruh nơ̆r thơ thou ăn đe oh sơng Têt Trung thu chơt hơ iă 'nă hal, phĭ tơnŏ 'lơ̆ng; hơnơ̆ng hơdrin hơmet jĭ, pơhrăm ‘lơ̆ng vă jăh pran jăng grăng hơkâu.

Pơma hơdăh đe hơ ioh 'noh hơnô̆ hơnăp kơ teh đak, Phŏ Kơdră Teh đak Võ Thị Ánh Xuân athei bơ̆ jang vei lăng păng hơtŏk ‘lơ̆ng jơhngơ̆m pran đe hơ ioh kăl hơnơ̆ng đei hiơ̆k bơngơ̆t, tơgŭm hơdrol. Hơdai hăm ‘noh rim kơdră, anih jang, khŭl jang, rim bơngai hơnơ̆ng bơngơ̆t truh, vang tơgŭm vei lăng 'lơ̆ng hlŏh ăn hơioh jo jăn, hơioh đei tơdrong hơih sa mơmat tat dêh  hloh; pơm tơdrong 'lơ̆ng vă đe oh đei hŏk pơhrăm, vei lăng jơhngơ̆m pran, mơ̆t hơdai hăm tơpôl păng hơtŏk tơiung tôm tơdrong.