Pơma tơ̆ âu, Phó Thủ tướng Phạm Gia Túc tơchĕng ‘lơ̆ng tơdrong hơmet đơ̆ng teh đak Trung Quốc păng khul kơdră pơgơ̆r Quảng Tây; lui CAEXPO păng CABIS hơnơ̆ng pơih đei tơdrong ‘lơ̆ng vă jang hơdoi ‘nao ăn anih tĕch mơdro păng kon pơlei ASEAN - Trung Quốc.

Kiơ̆ Phó Thủ tướng, lơ̆m vă jê̆ 40 sơnăm âu ki, tơdrong pơvei ASEAN - Trung Quốc jing 1 lơ̆m dôm trong jang hơdoi đei jơnei ‘lơ̆ng, sơđơ̆ng. Jên tĕch mơdro đơ̆ng 2 păh tŏk hlŏh 130 ‘măng păng ‘măng mă blŭng lơ hlŏh 1.000 ti USD lơ̆m sơnăm 2025, hơnhăk ASEAN păng Trung Quốc jing grŭp jang hơdoi tih hlŏh hăm băl.