Tơdrong hơlen lăng akŏm lơ̆m tơdrong pơgơ̆r jang kơ jơnŭm pơgơ̆r tơring 2 tăl păng pơm kiơ̆ dôm tơdrong tơlĕch jang vei sơđơ̆ng hơtŏk mŭk drăm kiơ̆ Tơchơ̆t Hop akŏm mă 14 kơ Đảng. Pơma ah hop akŏm, Ƀô̆ trương jang Tơbôl Lê Hoài Trung pơtruh nơ̆r hăm Hơnih jang Kơpal Tĭnh uy Gia Lai pơtoi hơlen lăng, pơklaih tơtom dôm tơdrong tơnap tap đei ƀôh, vei sơđơ̆ng ăn jơnŭm pơgơ̆r 2 tăl pơm jang sơđơ̆ng, tơnăp, tơguăt tơjê̆ hăm tơring.

Atŭm hăm noh, Gia Lai athei tơlĕch jang tôm trong jang vă hơtŏk tơ-iung, iŏk yua 'lơ̆ng mŭk drăm, tơdrong hlôi đei kơ tơring; akŏm sek tơlang dôm hơnih tơhlăk tơhlĭn gah asong jang, ming man, hla bar hanh chĭnh păng tơdrong hơgei kơ bơngai jang; atŭm hăm noh hơmet tôm tơdrong, trŏ khei năr pơkăp dôm tơdrong tơjruh đei tơbang hơdah đơ̆ng 'măng chă hơlen lăng ou.