Tơ̆ hop akŏm, Tổng Bí thư, Kơdră teh đak bơ̆n Tô Lâm ră hơdah, Hà Nội tŏk bŏk yak ah jăl hơtŏk tơ-iung 'nao hăm tơchơ̆t kơjung hloh. Kơyuơ noh rim tơchơ̆t gah kang ƀô̆ adoi tơrĕk truh tơdrong gơh hơtŏk tơ-iung kơ pơlei tơm păng um rup kơ jơnŭm pơgơ̆r kon pơlei.

Tổng Bí thư, Kơdră teh đak bơ̆n lui ngeh Hơnih jang Kơpal Thanh uy Hà Nội gô iŏk yua dôm tơdrong đei jơnei vă pơjing đei minh khul kang ƀô̆ gơh hơgei, đei đon bơnôh 'lơ̆ng, pơm jang tơnăp. Kiơ̆ đơ̆ng noh, tơgŭm ăn Hà Nội gơh sek tơlang dôm tơdrong tơnap tap, tơdrong tơhlăk tơhlĭn tih, pơm tơplih lơ̆m tơdrong vei răk um ai kơ rơbou sơnăm, hơtŏk tơ-iung tơgăl hăm hơnih dơ̆ng kơ Hơnih tơm, lơ̆m pơjing um rup kơ pơlei tơm, kơ Hơnih tơm păng hơtŏk tơdrong hơrih ăn kon pơlei.