'Măng năm bơ̆ jang đơ̆ng Tổng Bí thư, Kơdră teh đak Tô Lâm vang truh Hop akŏm tih kơ̆l Jơnŭm chĕp kơ̆l Liên hợp quốc Jăl 81, bơ̆ jang ƀar pang tơ̆ teh đak Mi păng năm ngôi tơ̆ teh đak Canada gô tơgop gĭt kăl, hơmet kơjăp păng pơm ‘lơ̆ng hlŏh dơ̆ng tơdrong pơvei đơ̆ng Việt Nam hăm LHQ, hăm Mi păng dôm teh đak jang hơdai; hơtŏk tơdrong pơvei Việt Nam-Canada tŏk pran ‘lơ̆ng, đei yoa păng pơvei kơjăp ‘lơ̆ng hloh dơ̆ng; hơdai hăm tơƀôh hơdăh mĭnh Việt Nam kơchăng, ‘lơ̆ng hơiă păng đei hơnăp jang tơnăp lơ̆m dôm tơdrong apŭng plĕnh teh, vang tơgop 'lơ̆ng ăn tơdrong rơngei, sơđơ̆ng, jang hơdai păng jang tŏk tơ̆ tơring kŭm nhen lơ̆m apŭng plĕnh teh.