VOV.Bahnar - Pơgê 16/9, tơ̆ Hnam hŏk Chính trị Quốc gia Hồ Chí Minh, Thủ tướng teh đak bơ̆n Lê Minh Hưng hlôi pơma đam păng tơroi tơdrong jang “Hơtŏk ‘lơ̆ng tơdrong kĕ pơgơ̆r, tơlĕch jang, vei lăng đơ̆ng Khŭl kơdră teh đak teh đak, pơm tơdrong hiôk pran ăn hơtŏk tơiung hrĕnh, kơjăp păng jang tŏk 2 kơsô̆” ăn dôm bơngai hŏk Lăm pơhrăm ming, tơroi tơdrong hlôh vao hăm Bơngai jang lơ̆m Anih chĕp kơ̆l pơgơ̆r Trung ương Đảng jăl XIV - Lăm mă ƀar.

VOV.Bahnar - Dêh char Đắk Lắk tŏk bŏk yak mơ̆t lơ̆m pơyan ‘mi  lơ, hơmơt kơ ‘mi tih đak lơ̆p ưh kơ ê. Đơ̆ng rŏng ƀai hŏk đơ̆ng ‘mi tih đak lơ̆p tôch kơ dêh Khei 11/2025, tơ̆ rim tơring thŭng tơ̆ Đắk Lắk, tơdrong jang tơjră sa roi jing kơchăng hloh. Iŏk đơ̆ng khei ‘năr âu, tơdrong vei sơđơ̆ng bơ̆n gre, tơmam păng hơmet ăn bơngai jang đơ̆ng tơring vă tang găn ‘mi kial pơrăm păng dŏng sar bar dŏng tơgŭm hlôi đei tơlĕch jang hăt hot.

VOV.Bahnar – ‘Năr 15/9, Khul dăr lăng đơ̆ng lơ anih jang kơ Radio nơ̆r pơma Việt Nam, Anih tơm vei lăng khul linh teh đak păng Anih tơm vei lăng Công an, yoa ƀok Vũ Hải Quang – Phŏ Kơdră chĕp kơ̆l, Kơdră Anih vei lăng khul linh, Kơdră Anih pơgơ̆r jang tang găn khul pơm kơnê̆ kơ Radio nơ̆r pơma Việt Nam chĕp kơ̆l, pơgơ̆r hơlen năng tơdrong jang vei sơđơ̆ng teh đak, tang găn khul pơm kơnê̆, tang găn pĭt unh xa, vei sơđơ̆ng tơdrong tơroi păng vei lăng tơdrong srĕp kơ teh đak tơ̆ Anih Radio tơring Tây Nguyên (VOV Tây Nguyên).

VOV.Bahnar – ‘Năr brei (15/9), tơ̆ Hà Nội, Tổng Bí thư, Kơdră teh đak Tô Lâm tơƀâp bơngai tang măt ăn Khul kơdră chĕp kơ̆l Grŭp dôm khul jang tơbôl Việt Nam jăl VII, đơ̆ng 2026-2031.

VOV. Bahnar - Đắk Lắk tŏk bok rơih rim tơdrong vă jang trŏ lăp hăm tơdrong đei gơh jang păng tơdrong ‘meh vă jang đơ̆ng hơnih mơdro sa Nhật Bản vă pơtrŭt tơmơ̆t jên jang, tơplih ăn tơƀôh tơbăt lơ tơdrong. ‘Nou jĭ tơdrong jang đei kơdră chĕp pơgơ̆r dêh char Đắk Lắk tơroi tơbăt tơ̆ jơ bơ̆ jang hăm Kơdră tang măt Việt Nam tơ̆ Nhật Bản.

VOV.Bahnar - Năr 15/9 tơ̆ Quảng Ninh, Hơnih mong jên Teh đak Việt Nam (NHNN) hăm Hơnih Mong jên Trung ương (NHTW) Indonesia vang pơgơ̆r Hop akŏm Hơnih jang Kơdră kơpal găh Vang mơ̆t hơdoi jang Jên hu ASEAN (SLC) ‘măng mă 32 păng rim tơdrong pơgơ̆r đei ƀơm truh.

VOV. Bahnar - Sơng iŏk nơ̆r krao hơvơn đơ̆ng Tổng Bí thư, Kodră chĕp pơgơ̆r Teh đak Tô Lâm hăm Hơkăn ƀok, Ƀok pơtao Thái Lan Maha Vajiralongkorn Phra Vajiraklaochaoyuhua hăm Hơkăn ƀok năm tơmang teh đak Việt Nam đơ̆ng năr 14 truh năr 16/9.

VOV.Bahnar - Pơgê 15/9, tơ̆ Hà Nội, Thủ tướng Lê Minh Hưng truh pơm lêh pơih blŭng sơnăm hŏk ‘nao 2026 - 2027 tơ̆ Hnam hŏk khul linh vei lăng teh đak – anih pơtho pơhrăm ăn kăn ƀô̆ tih păng tơchĕng hơlen khoa hŏk khul linh, vei sơđơ̆ng teh đak tơm dơnơm kơ Khul linh păng teh đak.

VOV.Bahnar - ‘Năr brei (15/9) tơ̆ Hà Nội, Thủ tướng Lê Minh Hưng hlôi pơma dơnuh hăm Ƀok pơtao păng Hơ kăn Ƀok pơtao Thái Lan ƀlep ƀơ̆t 'măng năm ngôi, bơ̆jang tơ̆ Việt Nam.

VOV.Bahnar - Khánh Hòa đei lơ “anih ƀrê” chĕp răk tơdrong tơroi Việt Nam yak lĕch tơ̆ đak dơsĭ, đơ̆ng dôm ‘măng năm dăr lăng tơ̆ Hoàng Sa, Trường Sa đunh kơ âu vă jê̆ 100 sơnăm sơ̆ truh tơdrong lôch tang đơ̆ng đe linh vei lăng tơdrong pơm tơm kơ teh đak. Anih tơchĕng hơlen găh Đak dơsĭ păng Anih ƀlŏk hơdơ̆r Gạc Ma oei tơroi dơ̆ng lơ tơdrong hăm đon rơgei, đon kuăt oei ƀlŏk đơ̆ng chăl adrol sơ̆ păng đon jang tơnăp đơ̆ng chăl hrei ‘nâu.