VOV.Bahnar - Hơnih vei lăng kon pơlei dêh char Khánh Hòa pơgơ̆r Hop akŏm pơtrŭt tơmơ̆t jên jang lơ̆m dơnŏk đak dơsĭ, dơnŏk groi teh păng hơnih tơm logistics hăm tơdrong vang năm đơ̆ng kơdră chĕp pơgơ̆r rim hơnih tơm, hơnih bơ̆ jang Trung ương, khul joăt jang, hơnih mơdro sa păng bơngai tơmơ̆t jên jang lơ̆m teh đak păng teh đak đe.

VOV.Bahnar - Pơgê brei (15/07), Thủ tướng teh đak Lê Minh Hưng bơ̆ jang hăm Khul kơdră chĕp pơgơ̆r Đảng dêh char Lạng Sơn găh tơdrong jang kiơ̆ mŭk drăm-tơpôl 6 khei blŭng sơnăm păng trong iung jang tơdrong jang lơ̆m khei năr kơnh.

VOV.Bahnar - Kơsơ̆ năr 15/07 tơ̆ Sơn La, Tổng Bí thư, Kơdră chĕp pơgơ̆r teh đak Tô Lâm năm ngôi păng vang năm Năr lêh pơđĭ kon pơlei vang vei lăng Sơđơ̆ng teh đak sơnăm 2026 hăm kon pơlei rim hơdrung pơlei Loóng Luông, tơring Vân Hồ.

VOV.Bahnar - Pơgê 15/7 tơ̆ Bắc Ninh, yak truh tơbăt 79 sơnăm Năr lĭnh jĭ rơka lĭnh lôch tang ăn teh đak (27/07), Tổng Bí thư, Kơdră teh đak Tô Lâm năm ngôi păng asong tơmam ăn kơ đe lĭnh jĭ jăn tơ̆ Hơnih vei rong lĭnh jĭ rơka Thuận Thành.

VOV.Bahnar – Yak truh tơbăt 79 sơnăm Năr linh jĭ rơka, linh lôch tang ăn teh đak, ah kơsơ̆ năr 15/7, Thủ tướng Lê Minh Hưng atŭm hăm khŭl jang kơ trung ương hlôi truh plang pơkao, soh nhang ƀlŏk tơbăt kơ Linh lôch tang ăn teh đak tơ̆ Pơsat ƀlŏk tơbăt Vị Xuyên, dêh char Tuyên Quang.

VOV.Bahnar – Năr (15/7), Hơnih jang Măt trâ̆n Tôh kuô̆k Việt Nam dêh char Đăk Lăk jang atŭm hăm Măt trâ̆n Tơguăt tơguăl Hơtŏk Teh đak Campuchia dêh char Mondulkiri pơgơ̆r tơdrong Hop akŏm sơkơ̆t tơdrong jang kiơ̆ Pơkăp tơbăt jang hơdoi jăl sơnăm 2024-2026 păng kĭ pơkăp Hla bar tơbăt jang hơdoi ăn jăl sơnăm 2026-2028 hăm hơnăn “pơjing trong sơlam rơngei, tơbôl, jang hơdoi atŭm hơtŏk tơ-iung”.

VOV.Bahnar – Dêh char Lâm Đồng tŏk bŏk drŭt tenh tơdrong Pơkăp teh tơring kơdrơ̆m kơ 5 phương Đà Lạt tơjê̆ băl, vă pơjing minh hơnih atŭm ăn tơring kơdrơ̆m Đà Lạt đơ̆ng rŏng kơ hơgrop hơnih jang hanh chĭnh, atŭm hăm noh athei jang mă keh dôm tơdrong oei pơdui đunh khei năr lơ̆m pơkăp păng iŏk yua teh.

VOV.Bahnar - Minh sơnăm đơ̆ng rŏng kơ jơnŭm pơgơ̆r tơring 2 kâ̆p tơmơ̆t pơm jang, tơdrong mă ƀônh kơ ƀôh băt tơ̆ lơ tơring lơ̆m dêh char Lâm Đồng ưh hơdrô̆ gah jơnŭm pơgơ̆r jang đei hơmet 'lơ̆ng dah mă pơm hla bar hanh chinh ƀônh hiôk hloh. Tơdrong tơplih tih tên hloh ah trong jang mă jơnŭm pơgơ̆r tơring truh tơjê̆ hăm kon pơlei. Dôm tơdrong pơma đam hăm kon pơlei tơ̆ tơring, dah mă tơdrong khŭl kơdră kơpal chă tơmơ̆ng, pơklaih rim tơdrong tơhlăk tơhlĭn jing trong jang 'nao. Toroi gah kơtơ̆ng ang đei ƀôh 'năr ou roi tơbăt kơ dôm tơdrong tơplih ou tơ̆ xah Hàm Tân, dêh char Lâm Đồng, kiơ̆ trong jang “ 'Năr Puăn gô mơ̆ng păng pơma dơnuh hăm kon pơlei”

VOV.Bahnar - Đắk Lắk tơlĕch ăn tơdrong hơgăt tơ jur tŏ sĕt tôch ai 30% hơnih pơtho pơhrăm kơ teh đak, hơdai hăm proh hơmet 24 hơnih pơtho pơhrăm tơdrong jang - pơtho pơhrăm hơnơ̆ng oei pă 9 hơnih hơdrol kơ sơnăm hŏk 'nao.

VOV.Bahnar - Kơsơ̆ brei (14/07)  tơ̆ phường Việt Trì, Thủ tướng Lê Minh Hưng pơgơ̆r jơ bơ̆jang hăm Khŭl kơdră chĕp kơ̆l pơgơ̆r Anih jang Đảng dêh char Phú Thọ găh tơdrong bơ̆jang kiơ̆ hơnăp jang hơtŏk tơiung mŭk drăm - tơpôl păng tơdrong hơgăt jang tŏk “2 kơsô̆”.