Iung pơma tơ̆ jơ tơƀâp, Tổng Bí thư, Kơdră teh đak Tô Lâm ăn tơbăt, Grŭp dôm khul jang tơbôl Việt Nam jĭ khul jang tơm dơnơm lơ̆m tơdrong jang tơbôl. Tổng Bí thư, Kơdră teh đak pơma hơdăh, ‘nâu jĭ anih dơ̆ng, hơnăp jang tih mă Đảng, Teh đak, Kon pơlei hlôi pơjing păng kŭm jing hơnăp jang gĭt kăl đơ̆ng Grŭp dôm khul jang tơbôl Việt Nam athei bơ̆ jang păng iŏk đei jơnei ‘lơ̆ng.

Pơm hơtŏk tơdrong juăt ‘lơ̆ng đơ̆ng jang tơbôl lơ̆m chăl arih kơ hơdrĕch hơdrung Việt Nam păng tơmât yoa đon rơgei lơ̆m tơdrong jang tơbôl đơ̆ng Ƀok Hô, Tổng Bí thư, Kơdră teh đak lui, Grŭp dôm khul jang tơbôl Việt Nam gô jing khul jang tơm, gơ̆h hơgei, kơchăng pơjing đon lui, iŏk đon lui pơm jơhngâm pran, păng hăm dôm tơdrong jang rơđăh 'lơ̆ng, vang tơgop hơnhăk teh đak yak tŏk lơ̆m chăl 'nao.