VOV.Bahnar - Lăp pă hlŏh 1 khei dơ̆ng ‘nŏh truh sơnăm hŏk ‘nao 2026 - 2027, tơ̆ dôm anih man 4 tŏ hnam trưng tơ̆ tơring sơlam găh Pơmât kơ dêh char Quảng Ngãi, kơhrĕng ‘nu kăn ƀô̆, ki sư păng công nhân oei jang tŏk ka, tŏk kip vă jăh man đang dôm anih mă hơtuch, pơm ‘lơ̆ng ăn hŏk tro tơ̆ tơring sơlam gơ̆h đei hnam hŏk ‘nao adrol kơ năr pơm lêh mât hŏk sơnăm hŏk ‘nao.

VOV.Bahnar - Khŭl kơdră chĕp kơ̆l pơgơ̆r Anih jang Đảng dêh char Đắk Lắk ‘nao tơchơ̆t pơjing Khŭl pơgơ̆r bơ̆jang “Tơdrong jang 500 măng năr tŭn pran bơ̆jang tơchă, sir iŏk akŏm păng băt hơnăn kơting linh lôch tang ăn teh đak”, vă pơgơ̆r tơlĕch jang kơtang, hrơ̆ch dôm hơnăp jang lơ̆m dêh char.

VOV.Bahnar - Anih tơm vei lăng Jên hu ‘nao pơgơ̆r Hop akŏm Pơtôch tơdrong jang 6 khei blŭng sơnăm, tơlĕch hơnăp jang 6 khei hơtuch sơnăm 2026 kiơ̆ trong kơtă păng trực tuyến hăm 33 tơring.

VOV.Bahnar - Kiơ̆ tơdrong tơchơ̆t dơnuh lơ pang, ŭnh hnam dơnuh tơ̆ dêh char Lâm Đồng hrei ou oei pă 3,33%; hơdrô̆ bơngai kon kông đei hloh 9%. Tơdrong mă ou tơƀôh hơdăh, tơjur dơnuh tơ̆ tơring kon kông oei jing tơdrong jang lơ tơdrong long. ‘Ngoăih dôm tơdrong tơgŭm tơmơ̆t jên jang đơ̆ng Đảng Păng Teh đak, tơdrong iung jang ‘lơ̆ng hơnăp jang kơ khul Bơngai kon pơlei lui yom tŏk bŏk jing trong kăl hloh, tơgop pơm hơtŏk jơhngơ̆m đon hơdrin, chông ba kon pơlei atŏk muk drăm păng hơdrin yak hoh dơnuh hin kơjăp ‘lơ̆ng.

VOV.Bahnar - Khul bơ̆jang Hơnih tơm vei lăng Mơdro sa kơ yuơ kơ iĕng Kơdră chep pơgơ̆r Nguyễn Hoàng Long pơm tơm hlôi bơ̆ jang hăm Hơnih bơ̆ jang vei lăng kon pơlei dêh char Gia Lai găh tơdrong tơlĕch jang kiơ̆ rim tơdrong vă jang ŭnh hơyuh kiơ̆ Trong hơmet ming Proh hơmet ŭnh hơyuh VIII păng hơmet pơ ‘lơ̆ng tơnap tap, tơhlăk tơhlĭn lơ̆m atŏk tơ iung ŭnh hơyuh lơ̆m dêh char.

VOV.Bahnar - Pơgê brei, (20/7) tơ̆ hơnih bơ̆ jang Trung ương Đảng, pơgơ̆r blŭng a Hop akom mă pêng Hơnih bơ̆ jang chĕp pơgơ̆r Trung ương Đảng jăl XIV.

VOV.Bahnar - Ƀlep ƀơ̆t tơbăt 79 sơnăm Năr Linh jĭ rơka - Linh lôch tang ăn teh đak, ‘năr brei (19/7), Kơdră Quốc hội Trần Thanh Mẫn hlôi năm ngôi, asong tơmam ăn đe linh jĭ rơka, linh jĭ jăn tơ̆ Hơnih vei rong, hơmet jĭ linh jĭ rơka păng bơngai đei kŏng Long Đất, pơlei tơm Hồ Chí Minh.

VOV.Bahnar - Pơgê 19/7, yă Nguyễn Thị Thanh, Phŏ Kơdră Quốc hội kŭm hăm Khul tang măt đơ̆ng Quốc hội năm ngôi, hơpăh 200 tơpu tơmam ăn bơngai đei kŏng hăm kăch mang păng dôm unh hnam đei kŏng tơ̆ dôm xăh Ea Wer, Buôn Đôn păng Ea Nuôl dêh char Đắk Lắk, ƀlep ƀât tơbăt 79 sơnăm Năr linh jĭ rơka – Linh lôch tang ăn teh đak (27/7).

VOV.Bahnar – Tơbăt 24 sơnăm Năr pơjing Anih chĕp kơ̆l pơgơ̆r Tây Nguyên, tơ̆ plt Hồ Chí Minh, Tổng Bí thư, Kơdră teh đak Tô Lâm truh akŏm păng iung pơma tơ̆ jơ tơƀâp đe kăn ƀô̆ so, bơngai jang adrol ki tơ̆ Anih chĕp kơ̆l pơgơ̆r Tây Nguyên.

VOV.Bahnar – Đơ̆ng rŏng iŏk đei đĭ đăng hơgăt tĕh, rim hơnih ming man 8 pơlei oei ‘nao pơvih pơvăn ăn tơdring vă jang pơm trong gre treng rĕnh Tu-Pơbăh găn hloh dêh char Lâm Đồng tŏk bŏk atŏk kơtang iung jang ming man. Đĭ đăng tok bŏk kơrŭn đĭ ai, pơdrin keh đang rim hơnih ming man lơ̆m hơtuch khei 9.