Kơchĕng, 'mi pơtoi oei đunh, mă kăl noh tơ̆ 32 xah, phương ƀônh ƀơm đak lơ̆p, teh hơlih. Hăm tơdrong hli hlơt ou, jơnŭm pơgơ̆r tơring lơ̆m dêh char tŏk bŏk oei tơlĕch lơ trong jang vă tơjră, vei sơđơ̆ng ăn kơ kon pơlei. Kiơ̆ tơdrong pơgơ̆r jang đơ̆ng Hơnih jang vei lăng kon pơlei dêh char Lâm Đồng, khul juăt jang tơ̆ 124 xah, phương, tơring tơm pơtoi hơlen kơjăp 'mi kial tơhlu, hơlen lăng dôm tơring klŭng, tơring jih đak krong, đak glung păng dôm hơnih ƀônh đei teh hơlih vă dah hơmet tơtom.

Tơ̆ dôm tơring hơnơ̆ng kơ ƀơm đak lơ̆p, teh hơlih nhen Quảng Sơn, D’ran păng Cát Tiên 3, khul juăt jang đei pơtruh hơlen lăng măng năr, tang găn kon pơlei năm truh hơnih hli hlơt, kơchăng tơmam drăm tơgŭm dŏng. Gah xah Cát Tiên 3 'nao 'nhăk 25 unh hnam kon pơlei lĕch đơ̆ng tơring đak lơ̆p hơbŭt hơbông.