Tơ̆ Hop akŏm, tang măt ăn rim hơnih bơ̆ jang apŭng plĕnh teh, rim hơnih mong jên teh đak ASEAN akŏm pơma dơnuh rim tơdrong tơm lơ̆m vă yak truh jang hơdoi jên hu ASEAN; tơbăt hơdăh dôm tơdrong găh mŭk drăm păng jang jên hu lơ̆m plei teh , lơ̆m tơring, adoi nhen rim tơdrong hrei ou đei ƀơm truh tơdrong jang kơ rim hơnih mong jên Trung ương. Atŭm hăm ‘noh tơdrong jang kiơ̆ rim trong tơchăr tơlĕch jang jên hu kơjăp ‘lơ̆ng păng tơdrong kĭ pơkăp drơ̆ng mĭnh nơ̆r ‘nao; trong pơprŏ  vă jang kiơ̆ tơdrong vă jang hơmet ming trong jang hơdoi jên hu ASEAN, hăm hơmet ming ‘nao gô đei tơlĕch jang kiơ̆ đơ̆ng sơnăm 2027, vă pơm hơtŏk jơnei iung jang hơdoi păng pơtrŭt kơtang hop akŏm jang jên hu ASEAN lơ̆m khei năr truh ou kơnh.