Pơma dơnuh hăm dôm bơngai hŏk Lăm pơhrăm ming, tơroi tơbăt tơdrong hlôh vao găh tơdrong jang "Hơtŏk ‘lơ̆ng tơdrong kĕ  chĕp kơ̆l pơgơ̆r, tơlĕch jang, vei lăng đơ̆ng Khŭl kơdră teh đak, pơm tơdrong 'lơ̆ng ăn hơtŏk tơiung hrĕnh, kơjăp păng jang tŏk ƀar kơsô̆", Thủ tướng Lê Minh Hưng pơma hơdăh, Hop akŏm XIV kơ Đảng 'noh jĭ hơyak gĭt kăl lơ̆m jơhnơr hơrih, tơpă pơih ăn chăl hơtŏk tơiung 'nao kơ hơdrĕch hơdrŭng Việt Nam.

Vă jang kiơ̆ ‘lơ̆ng ƀar trong tơlĕch jang gĭt kăl 100 sơnăm (truh sơnăm 2030, đei jing teh đak hơtŏk tơ iung đei kơmăi kơmŏk hơgei, iŏk yua jô̆ păh lăp lơ păng truh sơnăm 2045, đei jing teh đak pơdrŏng, iŏk yua lơ), jăl trong 5 sơnăm 2026-2031 đei tơdrong ‘lơ̆ng kăl, pơm đei tơdrong ‘lơ̆ng kơjăp ăn jăl jang đơ̆ng rŏng, lơ̆m noh, mŭk drăm athei tŏk pran, iŏk đei jang tŏk ƀar kơsô̆. Kŭm hăm dôm trong jang, tơdrong tơchơ̆t tih, trŏ ƀlep, gĭt kăl đơ̆ng Đảng, teh đak, mĭnh tơdrong tơm vă jang đei tơdrong hơgăt 'noh jĭ athei pơm đei dôm tơdrong tơplih 'lơ̆ng, pran, tơpă găh tơdrong chĕp kơ̆l pơgơ̆r đơ̆ng Khŭl kơdră teh đak, hơdai hăm pơm 'lơ̆ng ăn tơdrong bơ̆jang kiơ̆ đơ̆ng rim kơdră, anih jang păng tơring.