Khei ‘năr âu ki, Anih Radio tơring Tây Nguyên jang kiơ̆ ‘lơ̆ng rim tơdrong tơchơ̆t, nơ̆r athei đơ̆ng Đảng, tơdrong tơgŭm, khôi luơ̆t đơ̆ng teh đak păng nơ̆r pơtho đơ̆ng Radio nơ̆r pơma Việt Nam găh tơdrong vei sơđơ̆ng teh đak, tang găn khul pơm kơnê̆, tang găn, pĭt unh xa, vei lăng sơđơ̆ng tơdrong tơroi păng tơdrong srĕp kơ teh đak.

Pơma pơtôch jơ bơ̆ jang, ƀok Vũ Hải Quang pơma hơdăh Anih Radio tơring Tây Nguyên jĭ anih jang gĭt kăl kơ Radio nơ̆r pơma Việt Nam, đei anih dơ̆ng, hơnăp jang gĭt kăl mưh chih tơroi rim tơdrong tơ̆ tơring. Atŭm hăm 'nŏh athei anih jang hơnơ̆ng pơm hơtŏk hơnăp jang đơ̆ng anih chih tơroi tơm, tơtom chih tơroi rim trong jang đơ̆ng Đảng, tơdrong tơgŭm, khôi luơ̆t đơ̆ng teh đak truh hăm kon pơlei, mă loi jĭ kon pơlei kon kông; kơchăng băt hơdăh rim tơdrong, chih tơroi trŏ hăm yăn âu, vang tơgop vei kơjăp tơdrong sơđơ̆ng chinh trĭ, vei lăng sơđơ̆ng 'lơ̆ng teh đak.