Tơ̆ jơ sơng, Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, ‘măng năm tơmang đơ̆ng Khul tơgop pơm kơtang hloh dơ̆ng Drơ̆ng mĭnh nơ̆r jang hơdoi ƀar păh hơnih bơ̆ jang pơjing khôi luơ̆t ƀar teh đak (kĭ pơkăp lơ̆m sơnăm 2024) păng sa roi gĭt kăl hloh dơ̆ng lơ̆m khei ‘năr ƀar teh đak tŏk bŏk hơdrin tơlĕch jang kiơ̆ tơgoăt tơgoăl Jang hơdoi Gĭt kăl tôm tong, Tơpôl kon pơlei lăng truh hơnô̆ hơnăp Việt Nam - Trung Quốc jĭ tôch gĭt kăl. Ƀar ‘nu kơdră drơ̆ng mĭnh nơ̆r akhan, tơdrong đei, gơh jang păng jang hơdoi ƀar teh đak, mă kăl ‘noh găh muk drăm, mơdro sa, tơmơ̆t jên jang oei tôch kơ lơ. Ƀar păh drơ̆ng nơ̆r akhan, Việt Nam păng Trung Quốc kăl tơgoăt tơgoăl, vang jang hơdoi, mĭnh jơhngơ̆m đon hloh dơ̆ng vă jang kiơ̆ trong atŏk tơ iung chủ nghĩa xã hội păng atŏk tơ iung teh đak lơ̆m hơnô̆ hơnăp kơnh; adoi, hơnih bơ̆ jang pơjing khôi luơ̆t ƀar teh đak kăl atŏk kơtang iung jang hơdoi, tơbăt dih băl dôm trong jang gơh hơgei lơ̆m pơjing khôi luơ̆t, dăr lăng, vă pơjing đei khôi uơ̆t roi năr roi roi rơvơn hloh dơ̆ng ăn atŏk tơ iung muk drăm păng jang hơdoi ƀar teh đak.