Pơma pơjao hơnăp jang, ƀok Đào Mỹ, Phŏ Kơdră Anih vei lăng kon pơlei dêh char, Kơdră Anih pơgơ̆r jang 515 dêh char Đăk Lăk, athei Khul K51 vei kơjăp đon kơchĕng chĭnh trĭ, pơm kiơ̆ tơbăt ki luơ̆t Khul linh, hơgăt vei sơđơ̆ng păng khôi luơ̆t đơ̆ng teh đak Campuchia; hơdai hăm noh kơchăng jang hơdai hăm khul jang kơpal păng kơdră chĕp kơ̆l teh đak buăl lơ̆m kơplăh jang kiơ̆ hơnăp jang.

Kơdră dêh char Đăk Lăk kŭm athei anih jang bơ̆jang tơnăp tơdrong jang tơbôl vei sơđơ̆ng tơpôl, tơroi tơbăt, tơgop hơtŏk tơdrong tơbôl, tơgoăt tơgoăl đơ̆ng sơ̆ Việt Nam - Campuchia. Tang măt Khŭl K51 pơma hơdăh khŏm hơmet pơ ‘lơ̆ng mơmat tat, pơgơ̆r tơchă mă ‘lơ̆ng, kơjăp, sơđơ̆ng, hơnhăk dơ̆ng kơting linh lôch tang ăn  teh đak brŏk vih hăm Teh đak.