Đơ̆ng rŏng kơ lêh sơng, 2 ƀok kơdră hlôi akŏm pơma đam. Kơdră Kuô̆k hô̆i Trần Thanh Mẫn sô̆ hơ-iă sơng drơ̆ng păng ră hơdah, 'măng năm tơmang teh đak đe mă blŭng đơ̆ng ƀok Sonexay Siphandone hăm kơchư̆k jang Kơdră Kuô̆k hô̆i Lào gô tơgop hơtŏk đon lui gah chĭnh trĭ, hơtŏk jang hơdoi đơ̆ng 2 hơnih jang khôi luơ̆t păng hơtŏk jang tơbôl kăp gĭt, tơguăt tơguăl, jang hơdoi tôm tơdrong tơm Việt Nam - Lào.

Ră hơdah tơdrong jang hơdoi hơnih jang ngĭ viê̆n jing minh tơdrong jang dơnơm kăp gĭt lơ̆m tơdrong jang tơbôl Việt Nam - Lào, tơgop pơm hơdah dôm tơchơ̆t pơm jang păng drơ̆ng nơ̆r đơ̆ng kơdră kơpal kơ 2 Đảng, 2 teh đak, 2 ƀok kơdră drơ̆ng nơ̆r pơtoi hơtŏk kơtang jang hơdoi kơ 2 Kuô̆k hô̆i; hơtŏk pơma đam gah tơdrong pơjing, chih akŏm khôi luơ̆t, jơnŭm pơgơ̆r jang kơ teh đak, kơ jơnŭm pơgơ̆r tơring, kŭm nhen hơlen kơjăp tơdrong pơm kiơ̆ dôm tơchơ̆t drơ̆ng nơ̆r kơpal păng dôm tơdrong jang dơnơm kơ 2 teh đak.