Pơma tơ̆ năr akŏm, Tổng Bí thư, Kơdră teh đak Tô Lâm athei kăl kơ hơtŏk hơnăp jang đơ̆ng Mặt trận, dôm khŭl jang lơ̆m khŭl lơ̆m hơmet ming tơdrong tơgoăt pôm ƀơ̆r đon đơ̆ng tơring. Lơ̆m noh, Mặt trận athei jê̆ kon pơlei, hlôh kon pơlei, jang ‘lơ̆ng hơnăp jang akŏm păng tang măt ăn jơhngơ̆m đon tơchĕng, ‘meh vă trŏ lăp đơ̆ng Kon pơlei.

Tổng Bí thư, Kơdră teh đak Tô Lâm ‘meh dôm bơngai pơtho lui păng bơngai đei đe lui yom hơnơ̆ng hơtŏk bưng ai ‘lơ̆ng hơiă đơ̆ng kơdih lơ̆m pơtho pơhrăm jơhngơ̆m đon, pơtrŭt hŏk, sek tơlang pơ ‘lơ̆ng, bơ̆jang tơgŭm ‘mêm mơnat păng tơgoăt hơdai dôm tơpôl. Tổng Bí thư, Kơdră teh đak akhan dôm tơdrong pơcheh atŭm đơ̆ng kon pơlei dôm hơdrĕch kon kông, dôm tơdrong lui kăl kơ đei pơtrŭt, vă tơdrong tơgoăt pôm ƀơ̆r đon roi ‘năr roi ‘lơ̆ng kiơ̆ dôm tơdrong jang vang jang, dôm hơnăp jang vang tơgŭm băl.