Tơroi tơ̆ hop akŏm ăn ƀôh, lơ̆m 9 khei sơnăm 2026, akŏm đĭ đăng jên tơmât jang đơ̆ng teh đak đe tơ̆ Việt Nam đei hlŏh 50 ti USD, tŏk hlŏh 76% pơting hăm khei âu sơnăm 2025. Hăm 15 dêh char, plt găh Pơbăh jên tơmât jang đơ̆ng teh đak đe đei hlŏh 22 ti USD hăm 1.830 tơdrong jang ‘nao.

Vă sơng iŏk jên jang đơ̆ng teh đak đe lơ̆m dôm khei oei đei dơ̆ng kơ sơnăm 2026 kŭm nhen sơnăm 2027, Anih vei lăng tơdrong tơmât jên jang đơ̆ng teh đak đe, găh Anih tơm vei lăng jên hu păng bơngai dơ̆ng tang ăn anih jang kơpal kơ dôm dêh char găh Pơbăh drơ̆ng nơ̆r hăm trong jang: hơmet khul bơngai jang rơgei ăn dôm tơdrong jang đei iŏk yoa kơmăy kơmŏk; hơmet tôm tơdrong kăl găh tơmam drăm, lăm bơ̆ jang, unh hơyuh vă pơyoa ăn tơdrong jang xa; tơchĕng hơlen trong jang hơdoi vang pơtho pơhrăm kiơ̆ tơdrong ‘mĕh vă đơ̆ng dôm anih jang kơ teh đak đe…

Lơ̆m noh athei năng kăl truh tơdrong tơplih đơ̆ng sơng iŏk jên jang hmă jing hơtŏk tơdrong ‘lơ̆ng, đei yoa păng pơih xă jên tơmât jang đơ̆ng teh đak đe trŏ hăm tơdrong tơchơ̆t kơsô̆ 10 đơ̆ng Anih tơm Chinh trĭ găh atŏk tơiung mŭk drăm đei jên jang đơ̆ng teh đak đe păng dôm trong jang lơ̆m Tơdrong tơchơ̆t 280 đơ̆ng Khul kơdră teh đak.