‘Nâu jĭ tơdrong đei pơma hơdăh tơ̆ ‘măng hop akŏm hơlen lăng tơdrong mŭk drăm - tơpôl khei 10 păng 10 khei sơnăm 2026 ‘nao đei Anih vei lăng Kon pơlei dêh char Đắk Lắk pơgơ̆r. Lơ̆m 10 khei, akŏm iŏk đơ̆ng tơmang lăng kơ dêh char đei hloh 17.800 ti hlak jên, yak hloh trong tơlĕch pơđĭ sơnăm. Dêh char hlôi akŏm hơmet ‘lơ̆ng hloh 280 tơdrong jang hiơ hiơ̆, đei vă jê̆ 71%.

Mă lei iŏk jên jang teh đak ‘nao jô̆ pơhlom đei 14.320 ti hlak jên, ưh kơ mah dang 390 ti hlak jên. Kơdră Anih vei lăng kon pơlei dêh char Đắk Lắk athei rim anih jang, tơring dăr hơlen tơdrong hơgăt tam mă jang đei, băt hơdăh tơdrong ưh kơ măh păng trong jang tăh dơ̆ng; vei lăng rim tơdrong jang kiơ̆ giĕng, tơplih jên đơ̆ng dôm tơdrong jang ưh kơ kĕ tơlĕch jên jang jing dôm tơdrong jang kĕ tơlĕch jang ‘lơ̆ng, hơdrin ưh kơ lê̆ dôm hơnăp jang oei ưh kơ măh kơkhei 10 akŏm tơ̆ khei 12.